Žiwjenska odyseja jako instalacija

Budyšin. Widejowa instalacija wuměłče Lisy Dawa je jutře, sobotu, dalši raz w Budyšinje přistupna. We 18 hodź. předstaji ju w sociodźiwadłowym Thespis-centrumje na Hošic hasy. Z projektom reflektuje wona „odyseju swojeho žiwjenja, kotraž je so (najprjedy raz) w Budyšinje zakónčiła, a što je po tymle puću dožiwiła: wójnu, ćěkańcu, namóc, wotpokazanje jako požadarka azyla a skónčnje měr w rjanym měsće“. Zastup je darmotny.

Wusahowacy dujerski ansambl

Minakał. Takrjec jako předehru za swójski, 8. septembra startowacy festiwal prezentuje Hornjołužiski komornohudźbny swjedźeń jutře, sobotu, „cyle wosebity koncert pod hołym njebjom“ w parku Minakałskeho hrodu. W 19 hodź. předstaji tam Młoda dujerska filharmonija NRW swój program „Wójna a měr“, wopřijimacy mjez druhim twórby Thomasa Dossa, Thierryja Delleruyelleho a Karela Husy. Düsseldorfski ansambl z dohromady 75 hudźbnikami w starobje 14 do 24 lět słuša po měnjenju fachowcow „k najlěpšim ćělesam swojeho razu w Europje“. Zastup je darmotny.

Awantgardny hudźbny wjeršk