Sakska serbska rada z kultusowym ministrom so schadźowała

Drježdźany (SN/MG). „Najwažniše je, kak rěč posrědkujemy“, rjekny sakski kultusowy minister Conrad Clemens (CDU) wčera, wutoru, na posedźenju serbskeje rady w sakskim krajnym sejmje. Gremij bě Clemensa hižo před dlěšim časom na rozmołwu prosył. Tuž bě derje, zo bě so rada na swojim poslednim posedźenju z ewaluaciju koncepta 2plus zaběrała (SN rozprawjachu).