Mjeńšina ma nadhódnotu za towaršnosć – to płaći za kraje ...

štwórtk, 18. junija 2015 spisane wot:

Europske mjeńšinowe prawo płaći, ale Grjekska abo Francoska so po nim nimatej.­ Tež Europski parlament ­naležnosći wočakowanu kedźbnosć njepřicpěwa. Połoženje je tuž ćežke.

Maja narodne mjeńšiny w Europje dosć skutkownu lobby? Na lětušim kongresu Federalistiskeje unije europskich narodnych mjeńšin (FUEN) w meji w zapado­thrakiskim Komotiniju (Grjekska) wěnowaše so jedne z rozmołwnych kołow schadźowanja tutej tematice.

Loránt Vincze, wiceprezident FUEN a mjezynarodny sekretar Demokrati­skeje aliancy Madźarow w Rumunskej (RMDSZ), je přeswědčeny: Mjeńšina přinjese towaršnosći nadhódnotu. Wobě stronje matej so wo zhromadne dźěło a mjezsobnosć prócować. 25lětne skutkowanje RMDSZ ma Vincze za poradźeny přikład. Prezident RMDSZ Hunor Kelemen wudospołni, zo „njeměještej dwaj milionaj etniskich Madźarow před 25 lětami žane zwjazki a žanu móžnosć publikowanja“. Přenjesene na europske měritko měli tuž mjeńšiny Europskej uniji kaž tež wšemu kontinentej nadhódnota być.

dale čitać ...

Předsyda dźěłarnistwa ver.di Frank Bsirske (naprawo) je dźensa w ...

štwórtk, 18. junija 2015 spisane wot:
Předsyda dźěłarnistwa ver.di Frank Bsirske (naprawo) je dźensa w sewjerorynsko-westfalskim Bonnje stawkowacych sobudźě­łaćerjow Němskeho pósta­ pohonjał, dale za swoje zajimy wojować. Wjacore tysacy přistajenych pósta demonstrowachu před centralu koncerna. Kónc stawka njeje wotwidźomny. Jednanja njeběchu dotal wuspěšne. Foto: dpa/Marius Becker

dale čitać ...

Dźewjeć ludźi w cyrkwi morił

štwórtk, 18. junija 2015 spisane wot:
Charleston (dpa/SN/K). W jednej z Charlestonskich cyrkwjow w staće USA South Carolina­ bu wčera wječor dźewjeć kemšerjow zatřělenych. Za čas Božeje słužby, na kotrejž běchu přewažnje Afroameri­čenjo, zadoby so młody muž běłeje kože do cyrkwje a započa třěleć. Wosom ludźi na městnje zemrě, dalši čłowjek w chorowni. Něhdźe 20lětny skućićel je ćeknył. Měšćanosta Charlestona Joseph P. Riley kaž tež southcarolinska guwernerka Nikki­ Halley mataj za to, zo je dotal nje­znaty złóstnik z rasistiskich motiwow jednał. „Jenož hida móže někoho k tomu pohnuć, so do Božeho domu zadobyć a ludźi zatřělić“, měšćanosta Riley hłuboko zraženy zwurazni.

dale čitać ...

Ultimatum so bliži

štwórtk, 18. junija 2015 spisane wot:

Gregor Gysi knježerstwo Alexisa Tsiprasa naležnje zakituje

Brüssel/Berlin (dpa/SN/K). Čim bóle so z kóncom měsaca ultimatum nastupajo grjeksku krizu zadołženja dla bliži, ćim naležniše su prócowanja wo jeje rozrisanje. Dźensa schadźuja so w Luxemburgu financni ministrojo eurokrajow, zo bychu wo palacej naležnosći wuradźowali. Do toho běchu financni ministrojo Němskeje, Belgiskeje, Litawskeje a Słowjenskeje na Athen apelowali, spjelnić namjety za reformy, wujednane z jednotliwymi pjenjezydawarjemi. To je wuměnjenje, zo móhła Grjekska pomocne pjenjezy 7,2 miliardow eurow dóstać. Te wona nuznje trjeba, zo by 30. junija móhła měnowemu fondsej 1,6 miliardow eurow wróćić a tak statny bankrot wobeńć.

dale čitać ...

Dramatika bjez runjeća

štwórtk, 18. junija 2015 spisane wot:
Genf (dpa/SN). Nimale 60 milionow ludźi po wšěm swěće dyrbi před wójnu a namocu ćěkać. Swět dožiwja dramatiku, kotraž njeznaje runjeća, kaž pomocny skutk na dobro ćěkancow UNHCR w swojej lětnej rozprawje zwěsća. „Je wostrózbjace, zo so ći, kotřiž konflikty naškaraja, chłostanju wuwinu. Na tamnym boku je mjezynarodne zjednoćenstwo statow wočiwidnje njekmane, wójny skónčić a so wo měr starać. Město toho sćele dale a wjace bróni do krizowych kónčin“, rjekny komisar UNO za ćěkancow António Guterres dźensa w Genfje. Wjace hač połojca ćěkancow su dźěći. Najwjace ćěkancow pochadźa ze Syri­skeje, Afghanistana, Iraka a Somalije.

dale čitać ...

Znowa bomby a smjerć

štwórtk, 18. junija 2015 spisane wot:
Sanaa (dpa/SN). Mjeztym zo w Genfje mjez konfliktnymaj stronomaj měrowe jednanja wjedu, su sej w stolicy Jemena Sanaa dalše bombowe nadpady zaso wjele­ smjertnych woporow žadali. Ataki měrjachu so na běrowy zběžkarjow a na dwě mošeji. W Jemenje wojuja šiitiscy­ zběžkarjo Huthi přećiwo při­wisnikam sunnitiskeho prezidenta, kiž je do Sawdi-Arabskeje ćeknył.

dale čitać ...

Talibanojo nochcedźa IS

štwórtk, 18. junija 2015 spisane wot:
Kabul (dpa/SN). Afghaniscy talibanojo su teroristisku milicu Islamski stat (IS) warnowali, měšeć so do swjateje wójny w Afghanistanje. Po jich słowach ma so dźihad wjesć pod jednej chorhoju a jednym wjednistwom. Wutworić dalše struktury nimo talibanow by wjedło k šćěpjenju a ćahańcam. Wojowanja mjez talibanami a skupinami, kotrež so k IS wuznawaja, su so mjeztym rozšěrili.

dale čitać ...

Mawt dyrbi čakać

štwórtk, 18. junija 2015 spisane wot:
Berlin (dpa/SN). Připowědźenja europskeje komisije dla, juristisce přećiwo Němskej postupować, přesunje zwjazkowy wobchadny minister Alexander Dobrindt (CSU) zazběh mawty za wosobowe awta. Hišće njerozsudźeneho wukónca skóržby dla nima zmysła, nadawki za wobhospodarjenje mawty wupisać, měni Dobrindt. Wón pak chce přiwšěm zawjedźenje popłatka přihotować.

dale čitać ...

Bamž: Politika so hospodarstwu podwola

štwórtk, 18. junija 2015 spisane wot:
Rom (dpa/SN). Bamž Franciskus w swojej nowej encyklice njesměrny konsum, zničenje wobswěta a podćisnjenje poli­tiki pod zajimy hospodarstwa šwika. „Hišće nihdy njejsmy ze swojim zhro­mad­nym domom takle špatnje wobchadźeli“, kri­tizuje wón w spisu, kotryž dźensa wo­zjewichu. Při tym měri so tež na politi­karjow. „Njewuspěšne swětowe wjerški ke klimje dopokazuja, kak jara so politika technologiji a financnemu systemej podwola­“, 78lětny piše. Razantne wuwiće w bohatych krajach wuskutkuje so předewšěm na njedobro chudych. Přiběrajcy so swět z wotpadkami zanjerodźa, zemja wuwiwa so na „hoberski črjopjenc“. Raznje zasudźa bamž nadměrne wužiwanje interneta na kóšty socialnych kontaktow jako „duchowne wochudnjenje“.

dale čitać ...

To a tamne (18.06.15)

štwórtk, 18. junija 2015 spisane wot:

W kupnicach žiwidłow na wustup hić ma přichodnje w Berlinje móžno być. Senator­ za wuwiće Andreas Geisel (SPD) chcył kupnicy nuzować, wustupy zjawnosći spřistupnić. Rjadowanje płaći spočatnje jeno za nowe kupnicy, poněčim pak chcedźa tež wobstejace zapřijeć. Hłowna přičina je přiběraca ličba starych ludźi w měsće. Za nich nimaja tuchwilu dosć zjawnych nuznikow.

Torty debić je wuměłstwo. To je Lübe­ck­ske hamtske sudnistwo rozsudźiło. 47lětna designerka tortow njetrjeba tuž pokutu čornodźěła dla płaćić, dokelž bě bjez dowolnosće rjemjesło wukonjała. Kaž sudnistwo zwěsći, je zhotowjenje indiwidualnych motiwow za debjenje torty kreatiwny wukon, kotryž normalne dźěło konditora přesahuje. Rjemjeslniska komora bě designerku čornodźěła dla wobskoržiła (hlej wčerawše SN).

dale čitać ...
strona 551 wot 558
e-paper-wudaće:10.05.2024

Moderna, anti-utopiska baja

dźěłowe městna w LND

aktualne wupisanja

nowostki LND