Waršawa (dpa/SN). Nawoda pólskeje lětanskeje towaršnosće LOT je nadpad ha- ckerow na kompjuterowy system přede- wzaća z padustwom přirunował. Doskónčny wobjim škody přez wupad lětow a zapozdźenje 1 400 pasažěrow, kotřiž dyrbjachu dołho na swój lět čakać, budźe drje hakle za něšto tydźenjow znaty, šef předsydstwa Sebastian Mikosz wčera zdźěli. „Smy-li wosobu zwěsćili, kotraž ma tole zamołwić, ju zawěsće wobskoržimy.“

Nimo statneho rěčnistwa je tež pólski statny škit wotpowědne přepytowanja zahajił. Kompjutery firmy běchu hodźiny dołho blokowane. Pasažěrojo w powětře pak njeběchu w žanym času wohroženi. Sebastian Mikosz nimo toho připowědźi, zo chcył w přichodnych pjeć lětach ličbu pasažěrow a lětadłow podwojić. Loni bě LOT předewzaće prěni króć po sydom lětach nimale 25 milionow eurow wuzbytkowało. Hač do 2020 chce wone kóžde lěto wjace hač dźesać milionow pasažěrow transportować a 70 do 80 lětadłow wobsedźeć. Při tym měrja so wosebje na daloke čary, kaž Mikosz zwurazni.

Frankfurt n. M. (B/SN). Při naprašowanju 53 000 wosom- do dwanaćelětnych dźěći w 15 krajach podachu rumunske dźěći na skali hač do dźesać dypkow derje­mě­ća najwyšu hódnotu 9,5, kaž rěka w studiji Frankfurtskeje uniwersity Children’s world. Na druhim a třećim městnje ska­le derje­mě­ća steja dźěći Kolumbiskeje (9,3) a Israela (9,2). Němska leži w delnjej połojcy ze srjedź­nej hódnotu 8,6.

Wjeršk G 7 překwapił

Garmisch-Partenkirchen (B/SN). Před­syda rady Ewangelskeje cyrkwje w Němskej Heinrich Bedford-Strohm je wot wuslědkow wješkoweho zetkanja G 7 wulce překwapjeny. „Wosebje nastupajo škit klimy­ su statni a knježerstwowi še­fojo jasne znamjenja sadźili. Wažna kročel tež je, zo chcedźa staty G 7 hač do lěta 2030 na 500 000 ludźom pomhać, zo njebychu wjace hłód tradali“, rjekny Bedford-Strohm. Za to trěbne pak su krute při­prajenja. K tomu tež słuša, zo so wuwi­ćowa pomoc skónčnje na 0,7 procentow z nutřkokrajneho bruttoprodukta zwyši.

Žadaja sej kónc namocy

Nowe zasadźenje za stare policajske uniformy: Něhdźe 150 zelenych kombinowanych woblekow za motorskich su po naćiskach studentow modoweho designa z Hannovera na wjace hač 500 modernych tobołow předźěłali. Tak nastachu mjez druhim etwije za mobilne telefony, nachribjetniki a pućowanske to­boły. Delnjosakski nutřkowny minister Boris Pistorius (SPD) wudźěłki wčera prezentowaše, mějo je za „cool“. Toboły zhoto­wjeja w dźěłarni zbrašenych. Wunošk je za załožbu, kotraž dźěło zbrašenych podpěruje.

Prěni króć w swojich 117lětnych stawiznach chce Hamburgski wjesłowanski klub Germania nětko tež žonam zmóžnić do kluba zastupić, pišu Hamburgske nowiny. Nastorčiło wšak bě to měšćanske zarjadnistwo. Wone wjaza spěchowanske srědki za twar noweho kluboweho domu na tele wuměnjenje.

Předstaja němsko-pólski projekt

Zhorjelc (SN/ch). Wuměłske naćiski němsko-pólskeho projekta „Görlitzer ART“ su wot dźensnišeho na Johannesa Wüstenowej žurli Barokneho domu Nysowa 30 widźeć. Na wotewrjenje witachu tež wosom wuměłcow z Pólskeje, kotřiž běchu za zjawny rum města Zhorjelca wuměłske twórby naćisnyli. Wot 1. apryla 2016 hač do 1. apryla 2017 chcedźa je potom na markantnych městnach města nad Nysu pokazować. „Görlitzer ART“ je projekt Zhorjelca a Wrócławja. Tamniši měšćanski prezident Rafał Dutkiewicz a Zhorjelski wyši měšćanosta Siegfried Deinege (njestronjan) staj dźensa wotpowědne dojednanje podpisałoj. Koopera­cija je zapołožena jako satelitowy projekt za program europskeje kulturneje stolicy, kotraž Wrócław klětu budźe.

Wotstronjeja škody při rěce