Widźał, słyšał, napisał (04.09.23)
Awtor dźensa
Pětr Šołta
Tež hdyž wěsća meteorologojo za přichodne dny zaso přijomne słónčne wjedro: lěćo so pomału, ale wěsće rozžohnuje. Přiwšěm nadźijam so na krasne babylěćo.
Minjenu sobotu rano při schadźenju słónca startowaše we Vysokej Lipje ultrakolesowarske wubědźowanje Bohemian Border Bash Race. Kaž mjeno zarjadowanja hižo přeradźa, podachu so wobdźělnicy na kołojězbu podłu Čěskeje hranicy. To su něhdźe 1 300 kilometrow z něšto přez 24 000 wysokostnymi metrami. Cilowe wrota na samsnym městnje budu so 9. septembra hnydom po chowanju słónca wottwarić. Štóž potajkim pozdźišo přijědźe, njemóže so do oficialneje ciloweje lisćiny zapisać. To budźe někotrych jara mjerzać, tamnym zaso chětro smorže, wšako dźe při tajkich kolesowarskich wubědźowanjach prěnjotnje wo swójske cile a wěsty dyrdomdej. Štóž chce, móže tež tu wobdźělnikam zaso přez internet sćěhować a hladać, štó kelko kilometrow wob dźeń natepta abo najmjenje časa ze sparom přečini.
Sport (01.09.23)
Běh přez zadźěwki w Hózku
W Hózku běhaja njedźelu wot 14 hodź. přez zadźěwki. Tam změja 6. Black bird run. Přizjewiło je so 403 běharkow a běharjow. Na 6 km dołhej čarje změja 15 zadźěwkow. Koło dyrbi so dwójce běžeć. Startowy pjenjez wučinja na wobdźělnika 30 eurow.
Za měšćanski běh so přizjewić
Za 29. Budyski měšćanski běh su hišće swobodne městna. To zdźěli na nowinarskej konferency w Budyšinje sobuorganizator Steffen Waldmann. Štwórtk, 7. septembra, změje zarjadowar popołdnju na Budyskim hłownym torhošću přizjewjenske stejnišćo. Tam móža sej hižo přizjewjeni wobdźělnicy swoje startowe čisła wotewzać. Měšćanski běh zahaja sobotu, 9. septembra, w 10 hodź. na Młynkec łuce z běhom za bambinije a swójby.
Winowatostne koparske hry
We Wachauwje chcedźa so Ralbičanscy Sokoljo wot derbyjoweje poražki zašłu njedźelu doma přećiwo Radworčanam rehabilitěrować. Bjez dypka su we wokrjesnej klasy hišće Njebjelčenjo. To měło so njedźelu změnić, hdyž wočakuje předposledni poslednjeho tabulki.
02.09. 12:45 ST Wesenitzal – SJ Chrósćicy
02.09. 14:00 Biskopičanske KT –
VFC Plauen
02.09. 15:00 TSV Wachau –
Sokoł Ralbicy/Hórki
Jenož jedna šansa hosćej dosahała
FC Energija Choćebuz –
Chemija Lipsk 1:1 (0:1)
Zestawa domjacych: Sebald – Slamar, Hildebrandt, Campulka, Hasse, Pelivan, Putze, Oesterhelweg (46. Euschen), Heike, Thiele, Halbauer (64. Prokopenko
slěd wrotow: 0:1 Paul Horschig (8.), 1:1 Tim Heike (70.)
Hač do kónca partije měješe BSG Chemija Lipsk jenož jednu woprawdźitu šansu wrotow, jako přizemi bul po podlěšenju hłójčkowaneho bula Philippa Haranta pola swobodnje stejaceho Paula Horschinga, kiž zbytk zrjadowa. Domjacy po tym ćim strašnišo nadběhowachu. Ale ničo ličomneho z toho njewuskoči.
Po změnje pokročowaše so jednostronska hra. Změny Alexandera Propopenka, Janisa Juckela a Cedrica Euschena postarachu so wo nowy ćišć na hóstne wrota. Tola zasłužene wurunanje najprjedy raz njepadnje, doniž Tim Heike w swojej zadwělowanosći bul při hranicy šěsnatki z hrudźu njepřiwza a do lěweho róžka wrotow třěli. Štyrnaće wrotowych šansow njedosahaše FC Energiji – Lipskej porno tomu dosahaše jedne mudre zakónčenje za dobyće dypka. Georg Zielonkowski
Tež druhu domjacu hru dobyli
Dynamo Drježdźany –
Waldhof Mannheim 2:1 (2:0)
Zestawa domjacych: Drljača – J. Meier, Ehlers, Lewald, Kammerknecht, Will, Hauptmann (89. Bünning), L. Herrmann (64. Zimmerschied), R. Meißner (63. Lemmer), Kutschke (77. Schäffler), Borkowski (89. Oehmichen)
Třeći zwjazkowy koparski ligist Dynamo Drježdźany je druhu sezonowu hru před domjacej kulisu dobył. Hižo w prěnjej partiji je Dynamo z 3:1 přećiwo DSC Arminia Bielefeld dobył.
Wuslědki (31.08.23)
Kopańca, regionalna liga muži
Viktoria Berlin – Altglienicke 1:0 (0:0)
BFC Dynamo – FC Carl Zeiss Jena 2:1 (2:1)
Energija Choćebuz – Chem. Lipsk 1:1 (0:1)
Hertha BSC II – ZFC Meuselwitz 1:1 (1:1)
1. FC Čerwjeno-běli Erfurt 5 15 : 4 13
2. Hertha BSC II 5 15 : 6 13
3. Greifswaldski KK 5 8 : 3 13
4. BFC Dynamo 5 10 : 6 10
5. SV Babelsberg 4 5 : 3 9
6. Lok Lipsk 5 9 : 8 9
7. FC Energija Choćebuz 5 8 : 6 8
8. Viktoria Berlin 5 4 : 3 8
9. FSV Luckenwalde 5 12 : 10 7
10. BSG Chemija Lipsk 5 6 : 8 7
11. VSG Altglienicke 5 10 : 11 6
12. ZFC Meuselwitz 5 7 : 8 5
13. F.C. Hansa Rostock II 5 9 : 9 4
14. FSV Zwickau 5 7 : 12 4
15. FC Carl Zeiss Jena 5 5 : 8 2
16. Berlinski AK 5 1 : 12 2
17. FC Eilenburg 5 6 : 12 1
18. Kamjeničanski FC 4 2 : 10 1
Regionalna liga žonow
Biskopičanske KT – RB Lipsk II 2:1 (0:1)
Turbine Potsdam II – Jena II 2:4 (1:2)
Magdeburg – Berolina 5:0 (2:0)
1. FC Union Berlin 2 12 : 1 6
2. FC Viktoria Berlin 2 8 : 0 6
3. FC Carl Zeiss Jena II 2 7 : 3 6
4. Magdeburgski FFC 2 6 : 3 3
5. FFV Erfurt 2 3 : 2 3
6. Biskopičanske KT 2 3 : 3 3
7. Türkiyemspor Berlin 2 3 : 5 3
8. FC Hertha 2 3 : 6 3
9. FFC Fortuna Drježdźan 2 2 : 7 3
10. RB Lipsk II 2 1 : 5 0
11. FFC Turbine Potsdam II 2 2 : 7 0
12. Berolina srj. 2 0 : 8 0
Start wuspěšnje zmištrowali
HZ Wujězd/Łaz/Běły Chołmc II –
HZ Ralbicy II/Pančicy II 2:3 (1:2)
Zestawa hosći: T. Žur – S. Kocor, (30. M. Hanč), P. Jehnichen, R. Materna, T. Čornak, H. Jakubaš, Fa. Langer (67. S. Hübner), T. Kubic, E. Šołta, Kř. Bejmak, S. Ćěsla (46. M. Kral)
Prěni króć dźěše za druhe zastupnistwo hrajneho zjednoćenstwa Sokoła Ralbicy/Hórki a rezerwy ST Marijineje hwězdy tež wo ličaki. Cyłkej napřećo steješe tohorunja nowozałožene hrajne zjednoćenstwo mjez Delnjowujězdźanskim ST a SZ Łaz/Běły Chołmc II. Prěnje wrota třěli nazhonity sportowc Handrij Jakubaš we 28. min. ze zdalenosće 30 metrow, a to do swislow wrotow. Tež druhe wrota wobstara wón z podobneje zdalenosće z direktnje přetworjenym wólnym kopom do lěweho delnjeho róžka (37.). Domjacy přińdźechu přez Tonija Glotza w šestej mjeńšinje podlěšenja w prěnim połčasu po dwělomnym róžku k wrotam.
Wuslědki (30.08.23)
Kopańca, wokrjesna klasa stafla I
Budyšin – Demicy-Tumicy 2:1 (1:0)
Hnaš.-Dobruša II – G. Budyšin II 0:5 (0:2)
Horni kraj-Sprjewja II – Wóspork 2:0 (2:0)
Wernarj. II – Budyšink/Maleš. II 2:2 (0:0)
Hodźij II/Hu. II – Załom-Wop. 2:10 (0:6)
1. Germania Budyšin II 2 10 : 2 6
2. ZSZ Załom-Wopaka 1 10 : 2 3
3. ST Mały Wjelkow 1 3 : 1 3
4. ST Budyšin 1 2 : 1 3
5. HZ Horni kraj-Sprjewja II 2 4 : 5 3
6. HZ Wóspork 2 3 : 4 3
7. HZ Hodźij II/Huska II 2 5 : 10 3
8. TSV Wernarjecy II 2 4 : 5 1
9. HZ Budyšink/Malešecy II 2 2 : 5 1
10. ST Demicy-Tumicy 2 2 : 5 0
11. HZ Hnašecy-Dobruša II 1 0 : 5 0
Wokrjesna klasa stafla III
Lubuš II – Halštrow/Hlinowc II 2:0 (0:0)
Njeswačidło – W. Dubr./Rad. II 1:4 (0:2)
Kamjenc – Wujězd/Ł./B. Chołmc 3:3 (0:1)
Sepicy – SJ Njebjelčicy 6:0 (0:0)
Běła/Cun./N. Pazlicy III – Łuty II 10:0 (5:0)
1. Běła/Cunnersdorf/Němske Pazlicy III
2 15 : 4 6
2. ST Lubuš II 2 9 : 0 6
3. HZ Wulka Dubrawa II / Radwor II
2 9 : 5 6
4. Zeleno-běli Sepicy 1 6 : 0 3
5. HZ Ralbicy II / Pančicy II 1 3 : 2 3
6. ST M.-běli Njeswačidło 2 4 : 4 3
7. Jednota Kamjenc 2 7 : 8 1
8. Wujězd/Łaz/Běły Chołmc 2 5 : 6 1
9. HZ Halštrow/Hlinowc II 2 0 : 5 0
10. SJ Njebjelčicy 2 4 : 11 0
11. FSV Łuty II 2 0 : 17 0
Wokrjesna liga stafla II
Wóslink/Skask./Kulow II – Hory 0:6 (0:2)
Wojerowski FC II – Minakał 0:1 (0:0)
ST Lubuš – FSV Łuty1:2 (0:1)
Malešecy – ST Kinspork/Łužnica 1:0 (1:0)
Zeleno-běli Bukecy – ST Kubšicy 0:0 (0:0)
Ně. Pazlicy II – ST Wul. Dubrawa 1:4 (0:3)
1. LSV Hory 2 11 : 0 6
2. ST Wulka Dubrawa 2 11 : 2 6
3. FSV Łuty 2 6 : 1 6
4. HZ Nadrózna Hrabowka 2 6 : 2 6
5. Traktor Malešecy 2 3 : 0 6
Domjaca premjera so poradźiła
SJ Chrósćicy II –
HZ Frankenthal/Germania Biskopicy/BFV III 4:1 (3:1)
Zestawa domjacych: Škoda – Dórnik, Kola, Zynda, K. Mark (70. Sćapan), Handrik (75. Klemenc), Wornar, Domaška, B. Donat, Rätze (70. M. Donat), Zahrodnik (78. M. Mark)
Brizantny derby w Delanach dobyli
Sokoł Ralbicy/Hórki –
ST Radwor 1:2 (0:1)
Zestawa domjacych: Chr. Gloxyn – Woko, Heidorn, Al. Wałda, Matka (46. Korjeńk) – An. Wałda, D. Gloxyn, Bejma, Rachela (80. Kř. Bejmak), Šołta – Domaška
Zestawa hosći: Ehrlich – Paška, Šěrak, Glücklich, Reinecke – Nuk, Omran (90. Seiler), Castejon, Wjacławk, Schulze (65. Grubert) – Šnajder
Do serbskeho derbyja ličeše wjetšina přitomnych 113 přihladowarjow z domjacym dobyćom. Mnozy běchu wćipni na Radworski team, kiž bě před tydźenjom swoju prěnju hru z 1:10 přěhrał. Tola w Ralbicach bě zaso črjóda stajnych Radworskich hrajerjow pódla, kiž přećiwo Hnašecam/Dobruši falowaše.
