ST Lubuš
– Sokoł Ralbicy/Hórki II 3:0 (2:0)
Zestawa hosći: Cyž – Bogusz, M. Matka, Šnajder, Kobalc, Serbin, Čórlich, Gerlich, Jakubaš, J. Matka, Wowčerk (46. T. Matka)
Po domjacej poražce přećiwo Łutam wjedźeše jězba koparskeje rezerwy Sokoła do susodstwa Łutowčanow, a to do Lubuša, kotryž bě swoje zašłe tři hry přěhrał. Šansa, duel dobyć, za nju potajkim wobsteješe. Wšitke předewzaća pak so dospołnje nimokulichu. Ralbičenjo dachu sej troje wrota napraskać a přisadźichu nimo toho hišće hrajerja.
Wjedro běše wuběrne a trawnik derje spřihotowany. Jenož hra běše špatna. Prěnju móžnosć wrota docpěć mějachu Sokoljo. Handrij Jakubaš zhłójčkowa bul snadnje pódla wrotow. W 20. min na tamnej stronje klinkaše. Srjedźopólny hrajer bě so z dołhej přihrawku hač na zakładnu liniju předrěł, a wróćohraty bul Matthias Stoyan k 1:0 přetwori. W 39. min. dóńdźe k předrozsudej. Gabriel Čórlich zawini jědnatku, dokelž bě swojemu wrotarjej pomhać chcył. Sudnik pokaza jemu na to čerwjenu kartu. Tak budźe Konječan znajmjeńša dwě hrě pobrachować. Jědnatku Marco Schneider wěsće přetwori.
Drohotka Ramnow
– Sokoł Ralbicy/Hórki 1:3 (1:0)
Zestawa hosći: Ch. Gloxyn – Rawš (9. Schultz), B. Bjeńš, Šewc, Bejma (93. Zynda), Korjeńk, Wałda (46. S. Bjeńš), D. Gloxyn, Domaška, Kurjat
Wokrjesna wyša koparska liga
Kulow – Póst Germania Budyšin 1:1 (1:1)
Ćisk – Hnašecy-Dobruša 2:0 (0:0)
Ramnow – Ralbicy/Hórki 1:3 (1:0)
1. ST Ćisk 21 76 : 14 51
2. Rakečanske ST 20 53 : 30 43
3. Sokoł Ralbicy/Hórki 20 51 : 27 37
4. ST Hnašecy-Dobruša 20 40 : 33 35
5. SC Großröhrsdorf 20 28 : 20 31
Njedźelu, 2. apryla, budźe we Wostrowcu nad Nysu tradicionalny nalětni běh, mjeztym hižo 27. raz. Po njedawnym Mužakowskim parkowym běhu je to druhe wurisanje a hódnoćenje za rjadnu lisćinu Wopačanski cup běharjow, kotraž so hižo 14 lět přewjeduje. Tale rjadna lisćina z regionalnym hódnoćenjom skići lětsa 15 wubědźowanjow.
Serbscy lubowarjo běhanja su přeco rady a přewšo wuspěšnje we Wostrowcu startowali. Jednotliwe distancy wurisanjow budu 0,8 km, 2 km, 4 km a 12 km. Wone powjedu po rjanym dole Nysy a po dworje znateho klóštra Marijineho doła. Start a cil wšitkich běhow je při wulkej sportowni njedaloko tamnišeho sportoweho areala. W 9.45 hodź. započnje so prěnje wurisanje na 0,8 km za mjeńše dźěći. Hłownej běhaj budźetej w 10.30 hodź. na 4 km a 12 km.
Wostrowski nalětni běh je wot lěta 2011 zdobom wopomnjenski běh za załožićela, předsydu tamnišeho sportoweho zjednoćenstwa a hłowneho organizatora tohole wurisanja Rolanda Pietscha, kiž je 2010 jako 53lětny při treningu dźěći-lochkoatletow njejapcy zemrěł. Jurij Nuk
ST Radwor
– ST Nadrózna Hrabowka 2:0 (0:0)
Zestawa domjacych: Ch. Šěrak – Henka, F. Šěrak, Zähr, Schild (60. von Karwin), Zimmermann, Nuk, Omran, Winar (68. Šram), Buša (46. Kurjat), Schulze
Po wupadnjenej prěnjej domjacej dypkowej hrě, jako wočakowachu Radworscy koparjo Hrajne zjednoćenstwo Łaz/Běły Chołmc, móžachu woni skónčnje zaso při „Zelenej hałžce“ za bulom honić – a to při najrjeńšim nalětnim wjedrje. Hladajo na tabulku wokrjesneje ligi, stafle II chcychu sej chowancy Pětra Bejmaka dalše tři dypki zawěsćić a sej doma běły lac wobchować. Wot wšeho spočatka woni hru postajachu a wubědźichu sej hižo w prěnich mjeńšinach wjacore wulke móžnosće. W 2. min. pak trjechi Paul Zimmermann jeno žerdź a tři mjeńšiny pozdźišo Tom Schulze łatu. Tež dalše šansy přez Schulzu, Nica Bušu a dalšich njewjedźechu k wuspěchej, byrnjež to hra na jenož jedne wrota była. Hosćo pak njerozsudne 0:0 hač do přestawki ze wšej bojownosću zakitowachu.
SZ Liegau-Augustusbad
– SJ Njebjelčicy 0:4 (0:2)
Zestawa hosći: Hahn – Zeller, Haška, Hrjehor, Kral, Hanuza, Korjeńk, Hoelzel, Hommel, Šołta (63. Lejnart), Čornak (73. Janca)
Drježdźanski SC
– SJ Chrósćicy 1:0 (0:0)
Zestawa hosći: Králíček – Pöpel, Cyž, Schulze, Teichmann, Bětnar (71. Zahrodnik), Młynk (86. Kunze), Domaška, Henčl (76. Dórnik), Věchet, Žur
Po wulkotnym zazběhu do druheje połserije – dwě dobyći w dwěmaj hromaj – nastupichu koparjo Chróšćanskeje SJ (SJC) minjenu sobotu pola tabulkoweho susoda Drježdźanski SC (DSC) w tamnišim Heinza Steyerowym stadionje. Wosebje naši dźědojo zwjazuja stadion, ležacy w Drježdźanskim Ostra-hajnišću, z wulkimi sportowymi podawkami pjećdźesatych lět 20. lětstotka. Tak přewjedźechu tam mjez druhim dwójce finale FDGB-pokala (Swobodny němski zwjazk dźěłarnistwa – Freier Deutscher Gewerkschaftsbund) a 1955 prěnju domjacu hru narodneho mustwa NDR přećiwo Bołharskej (0:0) před 55 000 přihladowarjemi. W znatym stadionje prjedawšich stawiznow je małe towarstwo SJC sobotu před wulkotnej kulisu 200 spěwacych domjacych „ultra-fanow“ wo dypki wojowało.
ST Ćisk II
– ST Radwor 0:4 (0:3)
Zestawa hosći: Ch. Šěrak – Henke, Zähr, Schild, F. Šěrak, Omran (62. von Karwin), Zimmermann, Nuk (71. Šram), Bejmak, Buša (54. Kurjat), Schulze
Krajna koparska klasa
Neugersdorf II – Zschachwitz 4:0 (2:0)
Drježdźanski SC – Chrósćicy 1:0 (0:0)
1. Radebeulski BC 16 37 : 11 43
2. Laubegast 15 44 : 20 34
3. FC Neugersdorf II 16 41 : 17 31
4. Mužakow 15 36 : 21 30
5. Drježdźanski SC 15 30 : 26 21
6. Nowosólc-Hródk 15 28 : 31 20
7. FC Horni kraj Sprjewja 14 35 : 35 18
8. SJ Chrósćicy 15 22 : 25 18
9. Nowe Město 15 26 : 32 18
10. SG Weixdorf 16 27 : 38 17
11. Zschachwitz 16 26 : 47 13
12. Fortuna Trjebin 15 21 : 45 13