Na přeprošenje zapósłanče z parlamentom a ze stolicu so ...

srjeda, 09. nowembera 2016
artikl hódnoćić
(0 )
Skupina Smječkečanow poby njedawno w Berlinje, hdźež sćěhowaše přeprošenje zapósłanče zwjazkoweho sejma Marje Michałkoweje.  Foto: Handrij Hejduška Skupina Smječkečanow poby njedawno w Berlinje, hdźež sćěhowaše přeprošenje zapósłanče zwjazkoweho sejma Marje Michałkoweje. Foto: Handrij Hejduška

Na přeprošenje serbskeje zapósłanče Němskeho zwjazkoweho sejma Marje Michałkoweje (CDU) podachmy so njedawno na ekskursiju do stolicy. Nimo nas Smječkečanow bě tež hišće skupina z Budyšina pódla.

Rano we wosmich nastajichmy so z busom na puć. Přez Wojerecy jěducy docpěchmy krótko do připołdnja w Berlinje krajne­ zastupnistwo Sakskeje. W měšćanskim dźělu Neukölln zaměstnjena institucija reprezentuje swobodny stat na polu turizma, hospodarstwa, šulstwa a hišće wjele dalšich hałzow zjawneho žiwjenja.­

Po zhromadnym wobjedźe jědźechmy do ministerstwa za strowotu, hłowneho ressorta našeje hosćićelki. Tu rozjasni nam přistajena zmysł a zaměr kaž tež hłowne wosoby domu.

Dokelž bě přenocowanje planowane, mějachmy jako přichodne check-in do hotela w měšćanskim dźělu Berlin­Wedding. Dźeń zakónčichmy na łódźi. Jěducy­ po Sprjewi smy dožiwjenja dnja krok po kroku předźěłali.

wozjewjene w: Serbski powěstnik
Prošu přizjewće so, chceće-li komentar podać

nawěšk

nowostki LND