Wjele wo susodnym kraju zhonili

pjatk, 28. oktobera 2016
artikl hódnoćić
(0 )
Na originelne wašnje zaznajomichu so Kulowscy šulerjo zawčerawšim z pólskimi stawiznami, kulturu a žiwjenskimi wašnjemi. Foto: Achim Nowak Na originelne wašnje zaznajomichu so Kulowscy šulerjo zawčerawšim z pólskimi stawiznami, kulturu a žiwjenskimi wašnjemi. Foto: Achim Nowak

Mnozy šulerjo Kulowskeje wyšeje šule „Korla Awgust Kocor“ so zawčerawšim njemało dźiwachu, jako widźachu na šulskim dworje awto z napisom „Polenmobil“. Dale bě napis tež pólsce podaty. Na chódbje prěnjeho poschoda šule wisaše pólska chorhoj a běchu wšelake informaciske łopjena wupołožene. Pólski institut w Darmstadće přewjeduje cyłoněmski projekt. Hižo lěto jězdźa po jednotliwych zwjazkowych krajach Němskeje. Braniborski ministerski prezident Dietmar Woidke (SPD) tomule projektej kmótři.

W oktobru je mobil w Braniborskej a Sakskej po puću. Zaměr je mjez šulerjemi a wučerjemi zajim za pólsku rěč, stawizny, literaturu a žiwjenske wašnja budźić. Tomu su tež w Kulowje wotewrjeni, nic jenož dokelž maja partnerskej šuli w Pólskej a Čěskej. Šulska nawodnica prošeše tuž mobil do Kulowskeje šule. Zdobom informowaše pólsku partnersku šulu w Lubomierzu wo tym. Wottam přijědźechu ze šěsć šulerjemi do Kulowa.

wozjewjene w: Serbski powěstnik
Prošu přizjewće so, chceće-li komentar podać

nawěšk

nowostki LND