Na wuprawje do Bretonskeje w Parisu pozastali

srjeda, 03. apryla 2019
artikl hódnoćić
(0 )
Šulerki a šulerjo 8. a 9. lětnika Worklečanskeje wyšeje šule „Michał Hórnik“ (foto deleka) a chowancy 9. a 10. lětnika Budyskeho Serbskeho gymnazija (foto horjeka) před Versailleskim hrodom  Foto: Bernadet Šnajderec a Jasmin Kermiser Šulerki a šulerjo 8. a 9. lětnika Worklečanskeje wyšeje šule „Michał Hórnik“ (foto deleka) a chowancy 9. a 10. lětnika Budyskeho Serbskeho gymnazija (foto horjeka) před Versailleskim hrodom Foto: Bernadet Šnajderec a Jasmin Kermiser

Quimper. Šulerjo 8. a 9. lětnika Worklečanskeje wyšeje šule „Michał Hórnik“ a chowancy 9. a 10. lětnika Budyskeho Serbskeho gymnazija su tuchwilu na wuměnje z bretonskimi šulerjemi w fran­coskim Quimperje. Na dołhu jězbu 1 700 kilometrow startowachu młodostni wčera tydźenja. Prjedy pak, hač dojědźe serbska delegacija k swojej partnerskej šuli w Bretonskej, pozasta wona dźeń po wot­jězdźe a po nimale tysac kilometrach najprjedy w francoskej stolicy Parisu. Tam wobhladachu sej zajimawosće města, kaž na přikład Eiffelowu wěžu, katedralu Notre­ Dame, Luovre a pobychu w kofejowni z najlěpšim lodom Parisa.

Štwórtk přewjedźechu Budyšenjo a Worklečenjo z busom kołojězbu po francoskej stolicy. Popołdnju podachu so do Versaillesa, hdźež wobdźiwachu krasny hród a wulkotnu zahrodu. Wječor čakaše na šulerjow hišće wosebitosć. Smědźachu so na 286 metrow wysoke wuhladnišćo Eiffeloweje wěže podać a widźachu wottam krasny wječorny panorama Parisa.

wozjewjene w: Serbski powěstnik
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND