Wo nadawkach kantora křižerskeho procesiona zhonili

wutora, 09. apryla 2019
artikl hódnoćić
(0 )
Wobdźělnikam Serbskeje bjesady na Horach je minjenu srjedu Janek Wowčer (nalěwo) wo křižerjach přednošował. Mjez druhim rozłoži Róžeńčanski kantor wuwiće křižerskich spěwarskich w minjenych wjac hač 25 lět.  Foto: Ramona Wowčerjowa Wobdźělnikam Serbskeje bjesady na Horach je minjenu srjedu Janek Wowčer (nalěwo) wo křižerjach přednošował. Mjez druhim rozłoži Róžeńčanski kantor wuwiće křižerskich spěwarskich w minjenych wjac hač 25 lět. Foto: Ramona Wowčerjowa

Hory. Wo přihotach a dźěle křižerjow kaž tež wo zamołwitych za křižerske procesiony zhonichmy my wobdźělnicy Serbskeje bjesady na Horach minjenu srjedu takrjec z prěnjeje ruki. Kantor Róžeńčanskeho wjesneho procesiona Janek Wowčer předstaji nam swoje nadawki jako křižer a wjesny kantor w běhu lěta. Wone započinaja so hižo tři dny po jutrach, štož mnohim z nas scyła wědome njebě.

Ze słowami „Po jutrach je do jutrow“, zahaji Wowčer swój ekskurs po nadawkowym swěće kantorow a křižerjow. Wšako – znajmjeńša kantorojo Ralbičanskeho wosadneho procesiona – srjedu po jutrach na zhromadźiznje zašłu jutrowničku wohódnoća, zo bychu naležnosće, kotrež so njejsu tak derje radźili, lěto po tym lěpje činili. Zdobom Kulowčan rozłoži, zo ma so wjesny kantor tež wo daledaće informacijow wo zranjenjach křižerjow starać. Zajimawe nam tohorunja bě, zo so kantorojo Ralbičanskeho procesiona znajmjeńša jónu do jutrow zetkaja, zo bychu sej wažne naležnosće dorěčeli.

wozjewjene w: Serbski powěstnik
Prošu přizjewće so, chceće-li komentar podać

Serbska debata

nowostki LND