Lětuše lětnje dźiwadło zahajene – Premjerny publikum zahorjeny
Budyšin (SN/bn). Předrasćeni jako dźěłaćerjo a „architektow přichoda“ zwobraznjejo su wčera intendant Němsko-Serbskeho ludoweho dźiwadła Lutz Hillmann, Budyski wyši měšćanosta Alexander Ahrens (SPD) a zastupowcy krajny rada Udo Wićaz (CDU) lětuše lětnje dźiwadło Budyskeho NSLDź na Hrodźe zahajili. Inscenacija „Na krótšim kóncu Słónčneje aleje“ po znatym romanje samsneho mjena z pjera Thomasa Brussiga pokazuje wurězk wšědneho dnja we Wuchodnym Berlinje 1970tych lět. „Nochcemy ostalgiju šěrić. Přiwšěm bě nam wažne tutu dobu adekwatnje wotbłyšćować a stawizny njezłahodnjejo na to skedźbnić, zo je njehladajcy wšeho wobmjezowanja móžno było tež w NDR zbožo nańć a derje žiwy być“, Lutz Hillmann podšmórny. Alexander Ahrens dopomni so anekdotisce a w Berlinskim dialekće na swój młodźinski čas w dźělenym měsće. Mjez druhim rozprawješe wo swojim zadźiwanju, zo na wuchodźe wo „wesijach“ rěčachu, z čimž tež wobydlerjow Zapadneho Berlina měnjachu. „Za nas běchu ‚wesije‘ ći w ZRN.