Optik Rathenow –
FC Energija Choćebuz 0:2 (0:2)
Zestawa hosći: Stahl – Hasse (88. Harz), Eisenhuth, Hildebrandt, Borgmann, Hofmann, Erlbeck, Geisler (90. Böhmert), Kujović (90. Wagner), Schulz, Engelhardt
slěd wrotow: 0:1 Jonas Hildebrandt (11.), 0:2 Erik Engelhardt (19.)
Dźewjaty raz za sobu wostachu koparjo FC Energije bjez poražki. Pola Optik Rathenowa poradźi so jim wěste 2:0, byrnjež wulke personelne ćeže měli. Nikos Sografakis wupadny infekta w žołdku dla, Maksimilian Proničew njesmědźeše pjateje žołteje karty dla hrać. K tomu ma FCE hišće dołhu lisćinu zranjenych koparjow: Matthias Rahn, Shawn Kauter, Jan Koch, Joshua Putze, Max Kremer, Janik Mäder a Malcolm Badu. Tak sedźachu z Thejom Harzom, Jonasom Böhmertom a Paulom Levijom Wagnerom jeničce třo juniorojo a narunanski wrotar Till Brinkmann na ławce.