Dalše tři dypki za rezerwu Sokoła

póndźela, 25. apryla 2022
artikl hódnoćić
(0 )
Měrćin Kurjat (srjedźa, Ralbicy) je w Małym Wosyku druhe mustwo Sokoła Ralbicy/Hórki hižo zahe na dobyćerski puć wjedł.  Foto: Konstantin Hrjehor Měrćin Kurjat (srjedźa, Ralbicy) je w Małym Wosyku druhe mustwo Sokoła Ralbicy/Hórki hižo zahe na dobyćerski puć wjedł. Foto: Konstantin Hrjehor

HZ Mały Wosyk/Marijina Hwězda II – Sokoł Ralbicy/Hórki II 1:3 (1:2)

Zestawa domjacych: Brojer – Jehnichen, Lukas Hoga, Clausen, Čornak, Fischer (26. Al Hayali), Luis Hoga (46. Dórnik), Schneider, Mehrens (46. Cyž), K. Pakoßnick, Šołta

Zestawa hosći: Ch. Gloxyn – Bejmak, J. Bjeńš, Materne, Kobalc – M. Matka, ­Kocor, Jakubaš, Hrjehor (80. Brězan) – M. Kurjat, Zimmermann (46. Šołta)

Koparska rezerwa Sokoła je w tutej sezonje jenož jónu njerozsudnje hrała, zbytne hry je wona wšitke dobyła. Na tym so tež po sobotnej hrě w Małym ­Wosyku, kiž ma hrajne zjednoćenstwo z druhim mustwom klóšterskich bulkoparjow, ničo změniło njeje.

Ralbičenjo startowachu furioznje a hižo po někotrych sekundach nawjedowachu. Daloka a wysoka flanka škitarja Jurja Bjeńša docpě před přećiwniskej šěsnatku nadběhowarja Měrćina Kurjata. Tón kulowatu kožu z 20 metrow do wrotow zhłójčkowa, dokelž bě domjacy wrotar hižo po puću, bul wotpopadnyć. Tak skakotaše bul do prózdnych wrotow.

wozjewjene w: Sport
Prošu přizjewće so, chceće-li komentar podać

Serbska debata

nowostki LND