Tež najlěpši škotowar trjeba raz zbožo

póndźela, 02. januara 2023
artikl hódnoćić
(0 )
Někotři z wobdźělnikow škotoweho turněra w Nowej Wjesce, kiž su tam mjez hodami a Nowym lětom wuhotowali.  Foto: Michał Zahon Někotři z wobdźělnikow škotoweho turněra w Nowej Wjesce, kiž su tam mjez hodami a Nowym lětom wuhotowali. Foto: Michał Zahon

18, 20, preč – takle rěkaše minjene dny w Nowej Wjesce w tamnišim towarstwowym domje. Po rjanej tradiciji wuhotuja Nowowješćenjo stajnje mjez hodami a Nowym lětom škotowy turněr. Dohromady přichwata 15 škotowarjow zbliska a zdaloka, zo bychu ze swojich rjadow najlěpšeho zwěsćili. Kaž stajnje na tajkim turněrje so najprjedy blida wuloso­wachu. Po prěnim kole sydaše ćopła ­kołbaska a něhdźe w 22 hodź. běchu tež za poslednim blidom nahrate dypki ­zličene.

Hižo w prěnim kole docpěchu šesćo wjace hač tysac dypkow. Pozdatnje bě Danko Handrik ze šwarnymi 1 585 dypkami faworit. W běhu druheho koła napjatosć z kóždej hru přiběraše, dokelž wobdźělnicy přeco zaso wulke hry do­bychu. Ale tež najlěpši škotowar trjeba prosće raz zbožo a wotpowědne karty. Te nazhonity hrajer Alfons Handrik po wšěm zdaću njeměješe. „Tajke hubjene karty w Nowej Wjesce hišće ženje dóstał njejsym“, wón rjekny.

wozjewjene w: Serbski powěstnik
Prošu přizjewće so, chceće-li komentar podać

Serbska debata

nowostki LND