Po mejemjetanju přihotuja so na dalšej wjerškaj

srjeda, 31. meje 2023
artikl hódnoćić
(0 )
Na mejemjetanju w Hórkach su minjenu sobotu dźěći a młodostni wosrjedź wsy zhromadnje rejwali.  Foto: Feliks Haza Na mejemjetanju w Hórkach su minjenu sobotu dźěći a młodostni wosrjedź wsy zhromadnje rejwali. Foto: Feliks Haza

Na krasnej swjatkownej soboće swjećachu tež w Hórkach mejemjetanje. Po tym zo bě meja padnyła, dwanaće porow dźěći a młodostnych srjedź wsy zarejwa. ­Pola dźěći běše John Jödicke najspěšniši běhar a wuzwoli sej Claru Bětnarjec jako swoju kralownu. Pola młodostnych bu­štaj Jan Zarjeńk a Ida Harttrumpfec mejski porik. Wšitke holcy běchu sej serbsku ­narodnu drastu woblekli. Po mejskich rejach předstajichu wjesne dźěći wopytowarjam pisany nalětni program. Wječor zahudźichu z Hórkow pochadźacaj Cyžec bratraj Dawid a Krystof kaž tež Tomaš Hejduška a Clemens Mark serbske a němske pěsnje. Při tym knježeše mjez wjesnjanami w stanje při wohnjowej ­woborje krasna nahlada. Mejemjetanje je wjesne towarstwo „Při skale“ zhromadnje z Hórčanskim młodźinskim klubom organizowało.

wozjewjene w: Serbski powěstnik
Prošu přizjewće so, chceće-li komentar podać

Serbska debata

nowostki LND