Mnohe lěta hižo wjesela so čłonojo Serbskeho šulskeho towarstwa na jězby po rjanych kónčinach Němskeje. Lětuša dnjowa wuprawa wjedźeše při najrjeńšim nazymskim wjedrje do Lipska. Ze Šmitec wozydłownistwom podachu so pućowacy njedawno hižo rano zahe wot Budyšina přez Baćoń, Chrósćicy a Pančicy po awtodróze do Lipska. Wjace hač 40 čłonow a přećelow towarstwa bě so za jězbu přizjewiło.