Wosebity posledni šulski dźeń do nazymskich prózdnin mějachu minjeny pjatk holcy a hólcy Serbskeje zakładneje „Šule Ćišinskeho“ w Pančicach-Kukowje. Na dworje klóštra Marijineje hwězdy w Pančicach-Kukowje su woni wosebity darjenski běh swojeho kubłanišća organizowali. Při nazymskim wjedrje startowachu nimo šulerkow a šulerjow zakładneje šule tež dźěći z pěstowarnjow Pan­čic-Kukowa­ a Wotrowa kaž tež šulerki a šulerjo spěchowanskeje šule swj. Jana.