Doma zasłužbnje dobyli

póndźela, 27. meje 2019
artikl hódnoćić
(0 )
Gabriel Čornak (nalěwo, Njebjelčicy) je wčera ze swojim koparskim mustwom doma  přećiwo ST Lubušej 2:0 dobył.  Foto: Jörg Stephan Gabriel Čornak (nalěwo, Njebjelčicy) je wčera ze swojim koparskim mustwom doma přećiwo ST Lubušej 2:0 dobył. Foto: Jörg Stephan

SJ Njebjelčicy – ST Lubuš 2:0 (0:0)

Zestawa domjacych: Matješk – Kral, Hanuza,­ Hoelzel (53. Hrjehor), Pawlik, Hommel, Plaettner, Korjeńk (89. Hahn), Šołta, Čornak (68. Lejnart), Domš

W prěnjej połseriji běchu sej chowancy trenarja Handrija Krawčika z wulkej prócu po 1:1 w Lubušu dypk wuwojowali. Nětko w domjacej partiji při najrjeńšim wjedrje bě lóšt na dobyće tak na tři dypki wězo wulki. Tola hosćo nastupichu z defensiwnym nastajenjom, a za Njebjelčanskich nadběhowarjow bě ćežko dwójne škitne pasmo přewinyć. Wótra třělwa Jakuba Šołty dźěše nimo wrotow (6.) a tež William Plaettner w 19. min. přećiwniske wrota misny. Po přihrawce Olivera Domša běše Daniel Kral w dobrej poziciji, ale hóstny wrotar Danilo Reiche znješkódni třělwu z rjanej paradu (22.). Dźesać mjeńšin pozdźišo posłuži Tomy Hommel Plaettnera, ale tež jeho niski kop wrotarja njepřewiny (32.). Za Njebjelčanow bě tuž ličba šansow w prěnim połčasu wobmjezowana. Tež hosćo so lědma strašnje přesadźichu, a Józef Matješk we wrotach domjacych njeměješe přewjele dźěła. Tak skónči so prěni połčas z mjezywuslědkom 0:0.

wozjewjene w: Sport
Prošu přizjewće so, chceće-li komentar podać

Serbska debata

nowostki LND