Darmotne laptopy za šulerjow poručenje

póndźela, 20. apryla 2020
artikl hódnoćić
(0 )
Prezident Budyskeho Lions-kluba Carsten Hauptmann, direktor Philippa Melanchtonoweho gymnazija Karsten Vogt, pokładnik „lawow“ Steffen Roschek a čłonka młodźinskeho Leo-kluba Franziska Graff (wotlěwa) prezentuja prěnju šaržu nowych laptopow, kotrež maja dźělej šulerjow sprjewineho města digitalnu wučbu zmóžnić.  Foto: SN/Hanka Šěnec Prezident Budyskeho Lions-kluba Carsten Hauptmann, direktor Philippa Melanchtonoweho gymnazija Karsten Vogt, pokładnik „lawow“ Steffen Roschek a čłonka młodźinskeho Leo-kluba Franziska Graff (wotlěwa) prezentuja prěnju šaržu nowych laptopow, kotrež maja dźělej šulerjow sprjewineho města digitalnu wučbu zmóžnić. Foto: SN/Hanka Šěnec

Budyski Lions-klub rozdźěli kompjutery w hódnoće 27 500 eurow

Budyšin (SN/bn). Budyski Lions-klub a jeho młodźinski Leo-klub stej dohromady 138 laptopow kupiłoj, kotrež chcetej šulerkam a šulerjam sprjewineho města přewostajić. „Wjeselu so jara, z tutej akciju w času wšědnych skerje špatnych powěsćow raz rjanu nowosć wozjewić směć“, podšmórny prezident kluba Carsten Hauptmann na nowinarskej rozmołwje minjeny pjatk w Budyskej firmje fkon Consulting. „Smy so prašeli, kak móhli měšćanam pod pažu přimnyć – koronakriza dźě nas wšěch potrjechi, mnozy tele dny wot doma dźěłaja. Tež šulerjo wuknu w homeofficu. Smy pak zwěsćili, zo je hakle 91 procentow domjacnosćow ze za to trěbnej techniku wuhotowane. Smy so tuž na to dojednali, z kotreje ­přičiny tež přeco potrěbnym swójbam pomhać a šulerjam zmóžnić so na online-wučbje wobdźělić. Dohromady smy 27 500 eurow za nakup nałožili, 2 500 eurow z nich je Leo-klub darił.“

wozjewjene w: Socialne
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND