Škitna drasta a nahubnik słušatej k naprawam, kotrež sobudźěłaćerjo łužiskich chorownjow, kaž na přikład na našim wobrazu w Kamjencu, swědomiće wobkedźbuja, zo njeby so koronawirus dale rozpřestrěwał. Nimo toho su lěkarjo kaž tež hladarjo, kotřiž so wo natyknjenych pacientow staraja, winowaći so dwójce tydźensce testować. Personal bjez direktneho kontakta ma tajki test, kotryž dźěłodawar płaći, kóždy tydźeń znajmjeńša jónu přewjesć. Foto: Chorownja maltezow Kamjenc/Stephanie Hänsch
Łužiske chorownje „napjate połoženje“ derje zmištruja
Budyšin/Zhorjelc (SN/bn/JaW). Němske interdisciplinarne zjednoćenstwo za intensiwnu a nuzowu medicinu DIVI hódnoći cyłkowne połoženje w zwisku z koronapandemiju jako „dale napjate“. Intensiwne stacije chorownjow w Němskej su „přiběrajcy wućežene“, při čimž pak „su regionalne rozdźěle“.