Napjaty derby z jasnym wuslědkom

wutora, 26. oktobera 2021
artikl hódnoćić
(0 )

ST 1922 Radwor –

ST 1896 Wulka Dubrawa 4:0 (2:0)

Zestawa domjacych: Grenzemann – Reineke, Šěrak, Jendrewski, Seiler (86. Hetaš), Nuk, Glücklich, Pječak, Johannes Wjacławk (67. Wjeńka), Wróbl (62. Schulze), Schöne (80. Jakub Wjacławk)

zestawa hosći: Zoch – Windisch (45. Flaton), Ritscher, Bolzmann, Hübner, Petasch, Fechner, Spindler (67. Schöle), Noack, Hering (67. Dorka), Zichel

Dla swobodneho hrajneho dnja w pokalnym kole, dokelž njeje přećiwnik z Malešec nastupił, njemóžachu koparjo z Radworja před derbyjom na Wulku Dubrawu hišće raz někotre wěcki wuspytać. Tak hraješe za hosćićela na přikład Julius Jendrewski na městnje Micka Gruberta, młodeho hrajerja, kiž bě sej w zašłych hrach někotre zmylki dowolił. W tajkej wažnej hrě dyrbješe Jendrewski zhromadnje z Fabianom Šěrakom wěstosć w škiće wuprudźeć. Ale tež dalši młody kopar Lenny Schöne bě so zaso do startoweje formacije sunył. W hrach do toho bu šonowany, wšako njeje hišće 18 lět stary. We wólnočasnym centrumje w Ra­dworju sćěhowaše napjatu hru mjez prěnim a třećim wokrjesneje ligi něhdźe 300 přihladowarjow.

wozjewjene w: Sport
Prošu přizjewće so, chceće-li komentar podać

Serbska debata

nowostki LND