Ličba schorjenych stupa poručenje

štwórtk, 28. oktobera 2021
artikl hódnoćić
(0 )

Hornjołužiske kliniki hladaja nastupajo koronu starosćiwje do přichoda

Budyšin/Kamjenc/Wojerecy (SN/JaW/bn). W hornjołužiskich chorownjach zwěsćeja tele dny přiběrajcy schorjenych na koronu, tež na intensiwnych stacijach. To zdźělichu wjacore z nich na naprašowanje.

Z Jězorinoweho klinikuma we Wojerecach runje tak kaž z Kamjenskeje chorownje maltezow swj. Jana, z Hornjołužiskich klinikow w Budyšinje a z chorownje w Běłej Wodźe zdźěleja nam, zo ličby na ko­ronu schorjenych pacientow spěšnje, sylnje a widźomnje stupaja. „Hižo nětko pytnjemy přiběrace stacionarne přiwzaća schorjenych, tuchwilu pak mamy hišće městna na stacijach a lěkowanske kapacity w dosahacej měrje“, zdźěli překupska direktorka Jězorinoweho klinikuma Juliane Kirfe. Wobkrućić pak wona­ na­šemu wječornikej njemóžeše, zo bywaja pacienća młódši hač běchu to hišće při minjenej žołmje choroby loni. „Přerězna staroba pola nas hladanych pacientow le­ži­ dale pola něhdźe 70 a wyše“, tak Kirfe. W Budyšinje su lěkowani po podaćach jednaćela Reinera E. Rogowskeho „w starobje wot 59 do 85 lět a starši“.

wozjewjene w: Socialne
Prošu přizjewće so, chceće-li komentar podać

Serbska debata

nowostki LND