Biskopicy (SN/MiR). Jenož hišće dwě njedźeli wobsteji šansa, so ze swojim projektom za lětuše Myto za młodźinski angažement w Budyskim wokrjesu přizjewić. Kaž Biskopičanska Syć za dźěło z dźěćimi a młodźinu (KiJU) wozjewja, móža zajimcy swoje podłožki z mejlku na pósłać. Z mytom počesćitej KiJu a wokrjes wosebity angažement młodostnych. Skupiny młodostnych móža so same požadać, abo druzy tajku skupinu doporučeja. Wobšěrne informacije kaž tež podłožki su w interneće pod: kijunetzwerk.de přistupne. Hižo w nowembru rozsudźi jury wo tym, kotra skupina abo kotry jednotliwc myto dóstanje. Jury tworja w prěnim rjedźe młodostni, kotřiž su do toho ze swojej skupinu mytowani byli. Spočatk noweho lěta potom sobudźěłaćerjo KiJu mytowanych wopytaja a jim pjenježny šek přepodadźa. Pjenjezy přewostajitej za to Budyska wokrjesna nalutowarnja kaž tež Wuchodosakska nalutowarnja Drježdźany. Za mjeztym dlěje hač 30 lěta skutkowace zarjadnišćo KiJu je počesćenje młodźinskeho angažementa wažny stołp dźěła z młodźinu.