„Sym Nowak“, tak so Pascal Nowak předstaji, kročo hordźe serbski puć, kotryž tež po serbskej kuchni wjedźe. Myslo na swojeju dźěda a wowku dopomina so wón na Slepjansku specialitu, warjeny twarožk.

Pascal Nowak je „Domojnik“ w druhim rěčnym kursu Syće za serbsku rěč a regionalnu identitu Zari. Jeho domizna je Slepo. „Mjeno mojeje wowki bě ,Hanuš‘ a stare mjeno našeho statoka bě ,Łušk‘“, Pascal powěda. W nim jewi so serbski pochad.