Wulke, wulke zbožo měli

srjeda, 23. septembera 2020
artikl hódnoćić
(0 )
Po wothwizdanju a zhromadnym wuhódnoćenju knježi wulke wjeselo mjez hrajerjemi prěnjeho koparskeho mustwa Chróšćanskeje SJ. Tón abo tamny z nich drje hišće tak prawje wěrić nochce, zo su dobyli. Foto: Jörg Stephan Po wothwizdanju a zhromadnym wuhódnoćenju knježi wulke wjeselo mjez hrajerjemi prěnjeho koparskeho mustwa Chróšćanskeje SJ. Tón abo tamny z nich drje hišće tak prawje wěrić nochce, zo su dobyli. Foto: Jörg Stephan

SJ Chrósćicy – Drohotka Ramnow 1:0 (0:0)

Zestawa domjacych: Králíček – B. Cyž, F. Cyž (38. Matješk), Sentivan, L. Zahrodnik, Zynda, M. Zahrodnik (74. Handrik), G. Zahrodnik (78. Mark), F. Zahrodnik, Vokáček, Heidari

Na druhim hrajnym dnju krajneje koparskeje klasy bě Drohotka Ramnow z hosćom w Chrósćicach. Postupnik z wo­krjesneje ligi bě swoju prěnju partiju z 8:1 dobył. Tak bě domjacym jasne, zo to z nim lochko njebudźe. Při rjanym słónčnym wjedrje přichwata 252 přihladowarjow do Chróšćanskeho stadiona. Wot spočatka spytaštej wobě mustwje z wěsteho porjada agěrować, domjacy pak špatnje do duela startowachu a njeběchu ofensiwje dokładni dosć. Tuž sej w prěnim połčasu žanu jasnu šansu njewuhrachu. Hosćo spytachu wosebje přez dołhe třělwy wonkownych hrajerjow zasadźeć. Defensiwa wokoło rutinjeja Miroslava Sentivana pak jim mało městna skićeše. Najlěpše składnosće do přestawki pak Drohotka Ramnow přiwšěm měješe. Jónu zleća bul na žerdź, w dalšej situaciji njezamó nadběhowar sam před wrotami stejo bul do syće zhłójčkować. Chróšćenjo móžachu z 0:0 k połčasej spokojom być.

wozjewjene w: Sport
Prošu přizjewće so, chceće-li komentar podać

Serbska debata

nowostki LND