Koparski camp EWB w Budyšinje
Za 42 za kopańcu horjace so dźěći započnu so lěćne prózdniny lětsa z woprawdźitym wjerškom: Zajutřišim, 4. julija, zahaji so w dorostowym centrumje koparskeho towarstwa Budissy Budyšin w Humboldtowym haju 28. koparski prózdninski camp EWB, Budyskeho zastaraćela z energiju a wodu. Hižo jutře wočakuje wobdźělnikow cyle wosebite „sćoplenje“: Na Młynkec łuce wotměje so testowa hra 1. mustwa muži přećiwo druhemu zwjazkowemu ligistej Dynamu Drježdźany. EWB přeprošuje wšitkich wobdźělnikow campa, sej tule hru wobhladać. Sobotu, 4. julija, w 13.30 hodź. EWB zhromadnje ze zastupjerjemi prezidija towarstwa 28. koparski prózdninski camp potom oficialnje zahaji.
Sylny comeback Belgiskeje
Remis bjez wrotow za Pančanow
ST Marijina hwězda –
TST 1859 Wjernarjecy 0:0
Zestawa domajcych: D. Matik – J. Pakoßnick, E. Zynda, Luk. Hoge, T. Jurš – Fl. Bulank (45. D. Leppers), J. P. Kuring (75. Fe. Langer), E. Bulank, K. Pakoßnick – A. Eldor (43. Ch. Cyž), R. Cyž
Na poslednim hrajnym dnju sezony 2025/26 přećiwo koparskemu cyłkej z bliskosće němsko-čěskeje hranicy ličachu přiwisnicy Marijineje hwězdy z wjele wrotami, wšako běchu koparjo z Pančic-Kukowa duel w prěnjej połseriji 9:0 za sebje rozsudźili.
Tutón raz pak jich klóšterscy koparjo cyłkownje přesłapichu, dokelž zetkanje z njerozsudnym 0:0 zakónčichu. Při tym mějachu tola zaso tójšto składnosćow wrota docpěć. Wuspěšnje pak žanu z nich njewužichu.
Wuslědki (01.07.26)
wokrjesna liga stafla I
Bretnig-Hauswalde – Połčnica II 4:1 (2:1)
Załom-Wopaka – Huska/Hodźij 2:0 (1:0)
Arnsdorfske KT – ST Porchow 2:2 (0:2)
ST Wjelećin – Motor Kumwałd 1:3 (0:1)
1. Bretnig-Hauswalde 26 130 : 15 73
2. ST Porchow 26 66 : 36 57
3. TSV Wjazońca 26 77 : 56 52
4. ZSZ Załom-Wopaka 26 56 : 51 46
5. ST Wjelećin 26 66 : 61 43
6. ST Kubšicy 26 86 : 67 41
7. Arnsdorfske KT 26 78 : 62 37
8. ST Marijina hwězda 26 68 : 53 37
9. TSV Połčnica II 26 51 : 66 37
10. SZ Steinigtwolmsdorf 26 64 : 64 34
11. HZ Huska/Hodźij 26 47 : 70 29
12. Motor Kumwałd 26 33 : 81 19
13. TSV Wjernarjecy 26 24 : 94 12
14. HZ Frankenthal 26 26 : 96 6
W Njebjelčicach bě wčera wječor při tamnišim sportnišću ...
Nimale kóžda třělwa sedźała
HZ ST Huska/ST Hodźij 04 –
ST Marijina hwězda 6:2 (3:1)
Zestawa hosći: D. Matik – D. Leppers (80. F. Langer), R. Cyž, B. Zynda, E. Zynda – J. Ladewig, Ch. Cyž, J. P. Kuring, E. Bulank (59. J. Clausen) – J. Pakoßnick, F. Zelnak (74. P. Schmidt)
Klóšterscy koparjo su sej duel w Hodźiju trochu hinak předstajili, hačrunjež wědźachu, zo budźe to z někotrymi falowacymi stajnymi hrajerjemi ćežki nadawk. Ze šěsć napřećiwnymi wrotami dóstachu mjenujcy porjadnje na měcu. Max Fischer wrotowy festiwal z wurjadnej třělwu ze zdalenosće 20 metrow do prawych swislow po přihrawce Nicka Preißlera zahaji (10.). Justin Ladewig zastatk z lesćiwym wotzamknjenjom po fantastiskim pasu Christofa Cyža přez cyłe zadnje mustwo hižo wosom mjeńšinow pozdźišo zaso egalizowaše.
Napjata partija za Kulowčanki
HZ BSW Łužica/Kulow – KT Ottendorf-Okrilla 1:2 (0:0)
Sobotu dopołdnja w 10 hodź. wuhraštej žónskej mustwje swoju pokalnu hru. Hrajne zjednoćenstwo BSW Łužica/Kulow nastupi přećiwo mustwu z Ottendorfa-Okrille. Horcoty dla bu hra wot popołdnja na dopołdnjo přepołožena. Wosebitosć je, zo přewjedu koparki swoju hru na małym hrajnišću, kaž młodźina D. Hra traješe dwójce štyrceći mjeńšinow, bjez podlěšenja. Hrajerki smědźachu so přeco zaso wuměnić a zaměnić. Horcoty dla so rozsudźichu, w kóždym połčasu dwě pitnej přestawce přewjesć.
Wojerowčenjo w Ralbicach dobyli
LSV Hory –
Wojerowski FC 1:4 (0:2)
Pokalny kónc tydźenja w Delanach bě so pjatk nawječor we 18.30 hodź. z hru starych knjezow zahajił. Na hrajnišću měrjachu Horjenjo a Wojerowčenjo swoje mocy. Faworit bě mustwo z Horow, dokelž steja po połojcy hrow mišterstwa na prěnim městnje, Wojerowčenjo pak na pjatym. To wědźo zesylnichu so Wojerowčenjo z wjacorymi hrajerjemi. Tak na přikład hraještaj Hoßmangec bratraj Martin a Benjamin sobu. Martin Hoßmang hraje hewak pola prěnjeho mustwa w krajnej klasy. Ale wobaj staj staršej hač 35 lět a tuž smědźeštaj sobu hrać.
Lěpši start mějachu Horjenjo. Po róžku pak hrajer bul wyše wrotow zhłójčkowa. Po tym Wojerecy ceptar přewzachu a wuhrachu sej tři dobre móžnosće (7., 12., 15.). Štwórty nadběh pak běše wuspěšny. Hosćo z Horow bul překrótko wotwobarachu a Dave Reichelt ze zdalenosće 16 metrow do dołheho róžka trjechi (20.) W 34. min. postaji sudnik jědnatku. Škitar z Horow bě Wojerowčanej tróšku njezbožownje do nohi běžał. Protesty běchu tež jara słabe. Christopher Franke přewza zamołwitosć a wěsće přetwori.
Sokoljo finale doma dobyli
Sokoł Ralbicy/Hórki – ST Hnašecy-Dobruša 3:2 po podlěšenju (0:1; 1:1)
Zestawa domjacych: P. Šołta, Šewc (115. Rawš), Wałda, B. Heidorn – D. Šołta, Mjechela (46. B. Bejma), A. Woko (46. Mikławšk/80. L. Heidorn), Korjeńk (73. R. Šnajder) – N. Šnajder, Hicka (80. Bejmak)
Prěni raz scyła mějachu Ralbičanscy Sokoljo jónkrótnu šansu, sej wokrjesny pokal w swójskim stadionje wudobyć. W minjenych 15 lětach běchu tónle pokal hižo trójce w rukomaj dźerželi a sobotu dyrbjachu přećiwo amtěrowacemu mištrej wokrjesneje wyšeje ligi z Hnašec/Dobruše wobstać. Poprawom wšak měješe so hra njedźelu popołdnju zahwizdać, tola horcoty dla buchu finalne hry młodźinow C, B a A wotprajene. Tuž so mustwje dojednaštaj, finale hižo dźeń prjedy wječor w šesćich wuhrać a k tomu, zo smědźa hnydom šěsć króć hrajerjow wuměnić. Při tajkej horcoće wšak so wokrjesne pokalne finale hišće ženje wotměło njeje, tuž běše to za wšěch hrajerjow njesměrne wužadanje.
Šěsnaćifinale mišterstwa zahajeny
Prjedy hač dźensa wječor w 22.30 hodź. němske narodne mustwo w šěsnaćifinalu přećiwo wubrance Paraguayja nastupi, su někotre mustwa kónc tydźenja wo zaćah do k.-o.-koła wojowali.
