Přećiwnik so rewanšował

štwórtk, 18. februara 2021
artikl hódnoćić
(0 )
Matt McKnight (39, Bietigheim), Kale Kerbashian (9, Běła Woda) a Evan Jasper (26, Bietigheim) wojuja wo puk na lodźe.  Foto: Thomas Heide Matt McKnight (39, Bietigheim), Kale Kerbashian (9, Běła Woda) a Evan Jasper (26, Bietigheim) wojuja wo puk na lodźe. Foto: Thomas Heide

Łužiske liški Běła Woda – Bietigheim Steelers 3:6 (1:2, 2:1, 0:3)

Loni 30. decembra běchu Běłowodźanske lodohokejowe liški přećiwo Bietigheimej po wurunanej hrě (36:34 třělwow na wrota) ze 6:0 dobyli. Tónraz bě hra znowa wurunana a statistika třělwow wrotow nimale podobna (32:28). Šěsć wrotow pak poradźi so přećiwnikej, kiž je so tak za lońšu fawcu rewanšował.

Znowa dyrbjachu Łužiske liški wot wšeho­ spočatka zastatk wurunać, dokelž steješe hižo po pjeć mjeńšinach 0:1 za hosći. Jenož někotre sekundy na to woni samo­ zwyšichu, štož bě zaso raz katastrofalny start domjacych do hry. Na zbožo so woni popadnychu a w 16. min. tež prěni raz wyskachu. Thomas Reichel wotfalšowa pospyt z distancy do wrotow hosća.

Byrnjež Liški w druhej třećinje hry furioznje započeli, poradźichu so z ničeho dalše wrota za Steelersy. Běłowodźenjo pak hrajachu dale dobry lodohokej a so z dwojimi dalšimi wrotami wobdarichu. Najprjedy skrótši Andrew Clark na 2:3 (37.) a jenož mjeńšinu po tym padny na kuriozne wašnje wurunanje. Hrajer z Bietigheima chcyše před wrotami wujasnić, třěli pak puk před kij Clarka, a tón docpě swoje druhe wrota dnja.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Pnačičanski procesion - Die Panschwitzer Prozession.
  • Kulowscy křižerjo - Die Witticheunauer Kreuzreiter.
  • Njebjelčanscy křižerjo – Die Nebelschützer Verkündigungsprozession.
  • Chróšćanski křižerski procesion - Die Crostwitzer Osterreiter.
  • Baćonscy křižerjo - Osterreiter in Storcha
  • Ralbičanscy křižerjo - Die Ralbitzer Osterprozession.
  • Baćonscy křižerjo - Osterreiter in Storcha

nowostki LND