Towarstwo wopušćił, ale so tam znowa z koparjom lěta stał

wutora, 23. februara 2021
artikl hódnoćić
(0 )
Bołhar Dimitar Rangelow bu pola regionalneho koparskeho ligista FC Energije Choćebuz znowa za koparja lěta woleny.  Foto: Georg Zielonkowski Bołhar Dimitar Rangelow bu pola regionalneho koparskeho ligista FC Energije Choćebuz znowa za koparja lěta woleny. Foto: Georg Zielonkowski
Kak rady bychu přiwisnicy FC Energije Choćebuz Dimitara „Mitka“ Rangelowa w hrajnej dobje 2020/2021 w mu­stwje a na hrajnišću regionalneho ligista widźeli. Zrěčenje tehdom 37lětneho pak njebu loni na dobro womłodźenja kadra podlěšene. Fanojo běchu wězo chětro frustrěrowani. Dimitar Rangelow, kiž by­dleše ze swójbu hižo dlěši čas w Choćebuzu, dźěše wróćo do bołharskeje domi­zny, a nadběhuje nětko za swoje prě­nje­ towarstwo w swojej karjerje, a to za Slawiju Sofia. Po zdaću pak je připóznaće Bołhara w Choćebuzu dale wulke. Bjezporočneho hrajerja wuzwolichu přiwisnicy FCE mjenujcy za koparja lěta 2020, a to z 2 599 hłosami. Po 2019 sta so wón wospjet z dobyćerjom naprašowanja. Do­kład­nje na jeho 38. narodninach 9. februara su zamołwići FC Energije ranking wozjewili, štož móže so jako małe znamjo wotrunanja widźeć. Za Rangelowom wobsadźi Felix Brügmann, kiž bě w sezonje 2020 ze štyrnaće wrotami třělc lěta, z 1 850 hłosami druhe městno. Tobias Eisen­huth slěduje z 1 202 hłosomaj na třećim městnje.
wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Pnačičanski procesion - Die Panschwitzer Prozession.
  • Kulowscy křižerjo - Die Witticheunauer Kreuzreiter.
  • Njebjelčanscy křižerjo – Die Nebelschützer Verkündigungsprozession.
  • Chróšćanski křižerski procesion - Die Crostwitzer Osterreiter.
  • Baćonscy křižerjo - Osterreiter in Storcha
  • Ralbičanscy křižerjo - Die Ralbitzer Osterprozession.
  • Baćonscy křižerjo - Osterreiter in Storcha

nowostki LND