Budyšin. „Ceje ga smy“ rěka w Ludowym nakładnistwje Domowina wušła kniha, kotruž předstaja štwórtk, 12. nowembra, we 18 hodź. w Budyskej Smolerjec kniharni. Wobdźěleni budu wudawaćelka Christiana Piniekowa, awtorce Jill-Francis Ketlicojc a Anna Kosacojc-Kozelowa kaž tež awtor Werner Měškank. Woni čitaja ze swojich w knize wozjewjenych přinoškow, kiž zaběraja so ze swójbnymi dopomnjenkami. Wšitcy zajimcy su na literarny wječor wutrobnje přeprošeni.

Film dokumentuje wuwiće

Slepo. Dokumentarny film „Běły kur nad Čornej Pumpu“ pokazaja póndźelu, 9. nowembra, we 18 hodź. w Slepjanskim Serbskim kulturnym centrumje. Filmowcy běchu wot lěta 1991 hač do dźensnišeho w energijowym třiróžku NDR mjez Grodkom, Wojerecami a Čornej Pumpu po puću, zetkachu ludźi z jich wosudami a rezignaciju wosrjedź přewrótoweho časa a slědźachu třiceći lět pozdźišo hišće raz za wotewrjenymi ranami industrijoweho wuwića. Zastup je darmotny.

Durje gymnazija wotewrjene