Sport (23.10.15)

pjatk, 23. oktobera 2015
artikl hódnoćić
(0 )

Wubědźowanja w Radworju

Kolesowarske sportowe towarstwo RSV Budyšin budźe njedźelu w Radworju zhromadnje z wobydlerjemi Radworskeje bydlenskeje štwórće „Młynske chěže“ zarjadowar a wuhotowar běhanskich a kolesowanskich wubědźowanjow. Wot 10 hodź. přewjedu tam crossowe běhi za dźěći wot 8 do 13 lět. 10.30 hodź. započnje so kolesowarske wubědźowanje Bioracer Cross Challenge. Wot 14.55 hodź. smědźa potom hobbyjowi kolesowarjo startować, kiž su starši hač 16 lět.

Volleyball we Wojerecach

Volleyballisća prěnjeho mustwa Viktorije Worklecy steja jutře w finalu wo wobwodny pokal. W sportowej hali gymnazija Leon Foucault we Wojerecach wuhraja so wot 14 hodź. sćěhowace duele: Módro-běli Wojerecy II – Hamor/Běła Woda, Módro-běli Wojerecy II – Viktorija Worklecy a Hamor/Běła Woda – Viktorija Worklecy.

Nazymskej turněraj

Jutře, sobotu, wuhrajetej so w Kulowskej wjacezaměrowej hali hnydom dwaj turněraj. Zarjadowar a wuhotowar je sportowe zjednoćenstwo Žołto-módri Kulow. Wot 12 do 15 hodź. hraja wólnočasni volleyballisća, po tym wólnočasni koparjo staršich semestrow.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND