Chróšćenjo zaso raz dypkowali
Zeleno-běli Sepicy –
SJ Chrósćicy II 1:2 (0:0)
zestawa hosći: Škoda – J. Donat, Materna, Rätze, T. Donat, Klemenc, Dyrlich (83. F. Zahrodnik), Hawš, M. Zahrodnik, Zelnak (88. Zarjeńk), Bjeńš
Poprawom su so zašły kónc tydźenja pokalne hry přewjedli. Mustwo zeleno-běłych ze Sepic a druhe koparske mustwo Sportoweje jednotki Chrósćicy pak so přiwšěm zetkaštej, zo byštej dypkowu hru dwanateho hrajneho dnja we wokrjesnej lize přewjedłoj. Ta bě poprawom w nowembrje předwidźana. Hladajo pak na to, zo stej wobě mustwje hižo w prěnim pokalnym kole podležałoj, hru doprědka přepołožištej a z tym zdobom zymny počas wobeńdźeštej.
Wuslědki (07.10.26)
wokrjesna liga, stafla II
1. TSV Połčnica 6 27:8 16
2. HZ Łaz/Běły Chołmc 6 24:17 12
3. SJ Njebjelčicy 6 18:10 11
4. Zeleno-běli Sepicy 7 16:15 11
5. ST Kinspork/Łužnica 6 15:11 8
6. Wulke Zdźary/Kulow II 6 13:14 8
7. FSV Łuty 6 9:11 8
8. FC Łužica 6 14:14 7
9. ST Marijina hwězda 5 11:12 7
10. SJ Chrósćicy II 7 5:17 7
11. ST Lubuš 5 5:18 6
12. Módro-běli Minakał 5 11:11 5
13. ST Radwor 6 10:13 4
14. Nat. Němske Pazlicy II 5 6:13 2
Šansy hakle w druhim połčasu wužiwali
LSV Nowe Město/Sprjewja –
Sokoł Ralbicy/Hórki 0:4 (0:0)
Zestawa hosći: Schöne - D. Šołta, Wałda, N. Šewc, B. Heidorn, Bulank (72. Čóška), R. Šnajder, P. Šołta, N. Šnajder (80. Kunze), Mjechela (77. Čórlich), Bjeńš
W druhim hłowym kole wokrjesneho pokalneho koła nastupichu Sokoljo w Nowym Měsće nad Sprjewju. Tamniši cyłk bě minjene lěta wuspěšnje w Braniborskej hrał. Loni buchu na přikład mišter a chcychu do krajneje klasy w Sakskej postupić. To pak so jim njedowoli. A dokelž dyrbješe so mustwo do Sakskeje wróćić, započnje zaso we wokrjesnej klasy. Byrnjež někotři sylni hrajerjo team wopušćili, ma wón přiwšěm wysoki niwow. Sokoljo běchu tuž warnowani. Posledni raz běchu w sezonje 2012/2013 přećiwo hosćićelej nastupili a tehdy 0:2 přěhrali.
Načolnik tabulki so jasnje přesadźił
TSV Połčnica –
SJ Chrósćicy II 4:0 (1:0)
Zestawa hosći: Cyž – J.Donat, Materna, Kola, T. Donat (77. Mark), Klemenc, Wornar, Sćapan (60. Hicka), Zahrodnik, Dyrlich (85. Dźisławk), Matik
Na šestym hrajnym dnju wokrjesneje ligi bě rezerwa Sportoweje jednotki Chrósćicy pola načolnika tabulki w Połčnicy z hosćom. Róla faworita bě jasna. Chróšćenjo dyrbjachu so na wjele dźěła w defensiwje nastajić.
Po tym zo bě druhe wolejbulowe mustwo holcow Viktorije Worklecy ...
Pjeć wrotow, pjeć třělcow
SJ Njebjelčicy – ST Bart 5:0 (3:0)
Zestawa domjacych: Wetzlich - Marticke, Wjacławk (56. Vega de Paz), T. Čornak (80. Reineke), R. Čornak, Zarjeńk, Plaettner (71. Wätzig), Krawčik (84. Scherwinski), Rudolf, Statnik, Lehmann (68. M. Krahl)
Po tym zo běchu Njebjelčenjo w prěnim kole w Bretnigu přećiwo hrajnemu zjednoćenstwu Bretnig-Hauswalde II/Ramnow II 4:1 (3:1) dobyli, so tež w druhim hłownym kole přećiwo Bartskemu sportowemu towarstwu suwerenje z 5:0 (3:0) přesadźichu. Na domjacym trawniku witachu wokrjesneho ligista ze stafle 1, kiž steji tam w tabulce aktualnje na wosmym městnje.
Pokalne koło po poražce wopušćili
Wuslědki (06.10.26)
wokrjesny pokal
SC 1911 Wulke Rědorjecy II –
Rakečanske ST 0:6 (0:2)
TSV Wachau II –
Traktor Malešecy 0:8 (0:3)
HZ Łaz / Běły Chołmc II –
Zeleno-běli Bukecy II 0:4 (0:2)
ST Módro-běli Njeswačidło –
Hlinowski SK 1931 1:2 (0:2)
ST Demicy-Tumicy –
ST Natwar Němske Pazlicy II 6:2 (3:1)
HZ Hodźij II – SJ Chrósćicy 0:4 (0:1)
ST Lubuš II –
Bretnig-Hauswalde 1:3 (1:1)
ST Hnašecy-Dobruša –
SC 1911 Wulke Rědorjecy II 3:4 (1:0)
HZ Njebjelčicy II / Ralbicy II / Pančicy II –
HZ Łaz/Běły Chołmc 0:6 (0:4)
HZ Běła/Cunnersdorf –
TSV Połčnica 1:2 (0:1)
SZ Steinigtwolmsdorf –
Germania Budyšin II 1:3 (0:0)
Kónctydźenske wuslědki (05.10.26)
Koparske wuslědki:
W krajnym pokalnym kole koparkow su Biskopičanki ze serbskimaj hrajerkomaj Stellu Pilcec a Laviniju Frencel koło dale. Wone přesadźichu so 1:0 (1:0) přećiwo mustwu Dynama Drježdźany. W krajnym pokalnym kole muži je Budissa Budyšin pola VFC Plauen 1:2 (0:0) přěhrała. Přichodne koło na wokrjesnej runinje docpěłoj stej cyłkaj z Chrósćic a Ralbic. LSV Nowe Město nad Sprjewju – Sokoł Ralbicy/Hórki hraještej 0:4 (0:0). Za Ralbičanow trjechichu Balthasar Heidorn, Niclas Šewc, Roman Mjechela a Richard Šnajder. Hrajne zjednoćenstwo Huska/Hodźij – SJ Chrósćicy skónčištej hru tež 0:4 (0:1). Jedne běchu samowrota hosćićelow, jedne je Dawid Žur třělił a dwoje wrota Beno Rätze. Hrajne zjednoćenstwo Njebjelčicy II / Ralbicy II / Pančicy II – hrajne zjednoćenstwo Łaz / Běły Chołmc wuhraštej partiju 0:6 (0:4) a SJ Njebjelčicy – Sportowe towarstwo Bart 5:0 (3:0). Za Njebjelčanow wuspěšni běchu Jonas Lehmann, Fynn Zarjeńk, William Plaettner, Ionel Statnik a Marcel Kral. Druhe koparske mustwo SJ Chrósćicy je dypkowu hru w Sepicach 2:1 (0:0) za sebje rozsudźiło. Tam trjechištaj za SJC Syman Jan Klemenc a Oskar Hawš.
