Drjewo dźeń a bóle prašane poručenje

pjatk, 20. nowembera 2026
artikl hódnoćić
(0 )
Ludźo sej dale a wjace kaminow a kachli kupuja. Za Feliksa Brězana rěka to, zo je lěto wob lěto tež wjace potrjeby za palne drjewo.  Foto: Stefan Šmit Ludźo sej dale a wjace kaminow a kachli kupuja. Za Feliksa Brězana rěka to, zo je lěto wob lěto tež wjace potrjeby za palne drjewo. Foto: Stefan Šmit

Wikowarjo zwěsćeja wjetšu potrjebu – kupcy płaćizny přirunuja

Pančicy-Kukow/Rakecy (SN/StŠ). Zyma so bliži a tuž so we wjele domjacnosćach ludźo prašeja, kajka drje wona lětsa budźe. Změjemy dołhe a krute zmjerzki a budźe nakupjeny wolij, płun abo tež składowane drjewo dosahać? Hačrunjež po informacijach statistiskeho zarjada w Sakskej jeničce 3,2 procentaj wšitkich domjacnosćow hłownje z drjewom resp. z drjewowymi peletami swoje domske tepitej, ma nimale kóžda štwórta domjacnosć přidatnje kamin abo kachle, z kotrymiž tepja. Zo su ličby kaminow a kachli w poslednich lětach přeco dale přiběrali, pytnu tež tudyši wikowarjo drjewa. „W minjenymaj lětomaj zwěsáchmy přiběrajcy wjace naprašowanjow za drjewom. Poskićamy palne drjewo z našich lěsow jeničce w dwumetrowskich kuluškach. Hłownje chcedźa ludźo za kamin brězu měć. Druzy zaso tepja radšo chójnu. Štóž nima móžnosć, sej kupjene drjewo sam z lěsa domoj zwozyć, tomu poskićamy w našej blišej wokolinje tež transport“, wuzběhnje Guido Budar, hajnik klóštra Marijina hwězda.

wozjewjene w: Z Łužicy
wjace z tohole wobłuka: « Fundamenty krok po kroku nastanu
Prošu přizjewće so, chceće-li komentar podać

LND onlineshop 2026

Nowe poskitki LND namakaće w lětušim wudaću Nowinkarja!

Nowinkar 2026-27

HSSL25

Chróšćan Šulerjo

Midas Logo