Družku woblěkać njeje lochko

póndźela, 18. apryla 2016
artikl hódnoćić
(0 )
Kak so zaplećene wopuški do wěnčka zešija, pokazuje Marja Vacekowa pola Katrin Weclichec z Miłoćic. Mać Diana a Zala Cyžowa (wotlěwa) postupowanje nazhoniteje hotowańče napjeće sćěhujetej.  Foto: Jan Kral Kak so zaplećene wopuški do wěnčka zešija, pokazuje Marja Vacekowa pola Katrin Weclichec z Miłoćic. Mać Diana a Zala Cyžowa (wotlěwa) postupowanje nazhoniteje hotowańče napjeće sćěhujetej. Foto: Jan Kral

Narodnu drastu nosyć, je wuraz wuznaća a swědči wo česćownosći před narodom a jeho kulturu. Tajka drasta pak ma so tež akuratnje a dostojnje zdrasćić. To płaći za kóždu serbsku narodnu drastu, wosebje pak za serbsku katolsku družku.

Chrósćicy (JK/SN). Zaměr druheje dźěłarnički župy „Michał Hórnik“ na temu serbska narodna drasta bě, katolsku družku prawje a dostojnje zdrasćić. K tomu bě so sobotu na Chróšćanskej farje wulka ličba zajimowanych maćerjow a młodych holcow zešła.

Po zawodnych słowach regionalneje rěčnicy Katariny Jurkoweje k zaměrej a wotběhej dźěłarnički přewzachu hotowańče Christina Handrikowa z Worklec, Marja Vacekowa z Njebjelčic a Sabina Jurencec z Pančic-Kukowa ceptar jednanja. Na přikładźe šesćoch holcow pokazachu zajimowanym krok po kroku zdrasćenje družki.

wozjewjene w: Towarstwa
Prošu přizjewće so, chceće-li komentar podać

nawěšk

nowostki LND