We Łazowskim Domje Zejlerja a Smolerja je nětko nowa wosebita wustajeńca z wutřihankami Eriki Schirmer z Nordhausena widźeć. W tym zwisku mějachu tam wóndano zajimaweho hosća.
Łaz (AK/SN). Wo swojim skutkowanju a wo swojich přichodnych planach je njedawno dr. Jörg Herrmann z Kreischa we Łazowskim Domje Zejlerja a Smolerja porěčał. Wón je po wšej Němskej posledni profesionalny producent siluetowych filmow. Něhdźe 30 zajimcam předstaji wón wurězki ze swojich produkcijow, mjez druhim z filma „Sedmy rapak“. Jörg Herrmann wabješe zahoriće za zachowanje z ruku produkowanych trikowych filmow a rozłoži wuznam animacije jako wuměłski stil.