Přaza kaž w starych časach

štwórtk, 05. januara 2017
artikl hódnoćić
(0 )
Petra Koarkowa je předsydka Grodkowskeje Domowinskeje skupiny. Rady přeproša sej wona žony ze skupiny k sebi domoj na zhromadnu  přazu.  Foto: Martina Arlt Petra Koarkowa je předsydka Grodkowskeje Domowinskeje skupiny. Rady přeproša sej wona žony ze skupiny k sebi domoj na zhromadnu přazu. Foto: Martina Arlt

Grodkowska Domowinska skupina so tež pola předsydki doma zetkawa

Grodk (FAG/SN). Čłonojo Grodkowskeje Domowinskeje skupiny pod nawodom swojeje předsydki Petry Koarkoweje maja kaž přeco hižo spočatk noweho lěta swój dźěłowy plan nastajeny. Přetož wot časa přewróta stara so Petra Koarkowa wo wotměnjawy program skupiny. Tak přewostaja wona za zarjadowanja hdys a hdys swoje bydlenje, hdźež tež přazu přewjeduja. Mjeztym dwě lěće činja to čłonki Domowinskeje skupiny zhromadnje z Grodkowskimi žonami, kotrež so rady k tajkej zhromadnosći zetkawaja. „Staroby dla su naše skupiny lěto wot lěta mjeńše. Tohodla smy so rozsudźili přazu zhromadnje přewjesć“, předsydka wuswětla. W lěću sydaja wonka w carporće, w zymje wězo nutřka w tepjenej stwě. Tak so na najwšela­koriše wašnje ručnemu dźěło wěnuja, hłownje pak dźe wo to, z kołwrótom přasć a tule staru tradiciju zachować. „Za zwučowanje bjerjemy wołmjanu nitku. Komuž tele dźěło hižo lěpje wot rukow dźe, předźe z wowčej wołmu“, Petra Koarkowa powěda.

wozjewjene w: Towarstwa
Prošu přizjewće so, chceće-li komentar podać

nawěšk

nowostki LND