Njeje jenož lěkarił, je tež molował a pěsnił

štwórtk, 09. februara 2017
artikl hódnoćić
(0 )
 dr. Achim Nawka †  Foto: SN/ Maćij  Bulank  dr. Achim Nawka † Foto: SN/ Maćij Bulank

Před nimale lětom je wón w Radworju w kruhu swojich pjeć dźěći, přiwuznych a přećelow hišće wjesele stoćiny swjećił. 3. februara je woblubowany lěkar, nadarjeny moler a spisowaćel, sanitarny rada dr. Joachim Nawka, na prawdu Božu wotešoł. 17. februara 1916 bě so wón jako šeste dźěćo sławnej Radworskej wučerskej Nawkec swójbje narodźił. Jeho mać pochadźeše ze znateje Andrickec wučerskeje swójby. Po maturiće na Budyskej Katolskej natwarnej šuli kubłaše so wón na oficěra, štož pak so serbskeho lista staršeho bratra Antona na njeho dla na zbožo nahle skónči. Wot lěta 1940 studowaše we Wienje medicinu a skónči 1950 w Praze studij lěkarstwa. Samsne lěto woženi so z lěkarskej koleginu dr. Marju Brězanec ze Sulšečanskeho młyna. Mandźelskimaj narodźi so pjeć dźěći. Syn Tadej je profesor­ mediciny, dalše dźěći stupachu tohorunja do powołanskich stopow staršeju.­ Dźowka Gabriela je wučerka.

wozjewjene w: Towarstwa
Prošu přizjewće so, chceće-li komentar podać

nawěšk

nowostki LND