Iniciatiwa FUEN wobstatk koaliciskeho zrěčenja w Schleswigsko-Holsteinskej

Budyšin (SN/JaW). Intensiwne wabjenje za wobydlersku iniciatiwu Federalistiskeje unije europskich narodnych mjeńšin (FUEN) Minority SafePack na XII. mjezynarodnym folklornym festiwalu we Łužicy bě wuspěšne. Takle hódnoćitej akciju předsyda Domowiny Dawid Statnik a generalna sekretarka FUEN Susann Šenkec. „Prěnje wjac hač tysac podpismow je nazběranych­, to je dobry wukon“, Susann Šenkec informuje. Wot zahajenja festiwala hač do dźensnišeho je něhdźe 300 ludźi na internetnej lisćinje FUEN podpisało. Z cyłkownje wjac hač tysac je nimale 250 jeno z Němskeje, štož ma FUEN za dobry mjezywuslědk. K přirunanju: W Čěskej registrowachu dwě podpismje, w Francoskej štyri, w Awstriskej 20 a w Pólskej 16.