Nadobnemu nadawkej čas žiwjenja swěru dźeržał

štwórtk, 29. junija 2017
artikl hódnoćić
(0 )
 Jakub Młynk †  Foto:  Alfons Handrik  Jakub Młynk † Foto: Alfons Handrik

Po wšěch serbskich katolskich wosadach je so minjenej dnjej zrudźaca powěsć rozšěriła, zo bě wutoru w 82. žiwjenskim lěće znaty a woblubowany braška Jakub Młynk z Rakec na prawdu Božu wotešoł.

Sprawny, wotewrjeny a horliwy Serb a přikładny wěriwy křesćan, kiž bě stajnje wjesołeje mysle, narodźi so­ 25. julija 1935 w Róžeńće. We wójnskich lětach zastupi wón tam do šule, a ju wuchodźiwši je w Ra­dworju nawuknył powołanje pjekarja. Po tym zo bě tež w Budyšinje chlěb a całty pjekł, dźěłaše krótki čas we Wulkodubrawskej Margarećinej hěće a we Wětrowskej šamotowni.

Woženiwši so bydleše ze swójbu w Rakecach, hdźež je hač do rentnarskeje staroby w tamnišim rybarstwje jako šofer dźěłał. Njeličomne tysacy kilometrow běše wón z tehdyšim nawodu Rakečanskeho rybarstwa Walterom Rudolfom po cyłej wuchodnej Němskej po puću. Z nakładnym awtom wožeše rybu tohorunja do Pólskeje a Čěskeje, hdźež je so dźakowano swojej maćeršćinje derje dorozumić móhł. Jeho zasłužba je, zo nawjaza Rakečanski rybarski zawod lěta 1966 přećelske zwiski z čěskim statnym rybarstwom w Blatnje blisko Českich Budě­jovic.

wozjewjene w: Towarstwa
Prošu přizjewće so, chceće-li komentar podać

nawěšk

nowostki LND