Na zetkanju k přihotam wšosokołskeho zlěta w Praze

póndźela, 25. septembera 2017
artikl hódnoćić
(0 )
Józef Šwon, čłon předsydstwa Serbskeho Sokoła, je njedawno w Děčínje čěskim  Sokołam  někotre eksemplary knihi „Europeada 2012“ přepodał.  Foto: Milan Funka Józef Šwon, čłon předsydstwa Serbskeho Sokoła, je njedawno w Děčínje čěskim Sokołam někotre eksemplary knihi „Europeada 2012“ přepodał. Foto: Milan Funka

Děčín (mfu/SN). W přihotach na XVI. wšoskołski zlět 2018 w Praze pobyštaj čłonaj předsydstwa Serbskeho Sokoła, starosta Milan Funka a Józef Šwon njedawno na přepodaću stafety Serbskeho Sokoła w Děčínje. Přeprosyła bě Česka obec sokolska (ČOS). Na zetkanju, kotrež wotmě so w bliskosći pomnika załožerja sokołskeho hibanja Miroslava Tyrša, při hrodźe a na Děčínskim campje, wobdźělichu so zastupjerjo wšitkich sewjeročěskich župow Sokoła.

Dagmar Toncarová, městopředsydka ČOS, je hosći z Budyšina witała a dźakowaše so Milanej Funce, kiž postrowi hosći, přećelow a čłonow Čěskeho Sokoła. Wón wupřa jim wuspěch za zbywacy přihot klětušeho swětoweho sokołskeho zetkanja w čěskej stolicy.

Přepodata stafeta Serbskeho Sokoła, wot Józefa Šwona zhotowjena, wobsa­howaše wšelakore spisy wo sportowych wjerškach a aktiwitach Serbskeho So­koła w tu- a wukraju. Wosebity zajim zbudźi kniha „Europeada 2012“.

wozjewjene w: Towarstwa
Prošu přizjewće so, chceće-li komentar podać

nawěšk

nowostki LND