Sobotu je w Šunowje premjera poručenje

srjeda, 01. nowembera 2017
artikl hódnoćić
(0 )
Lajska dźiwadłowa skupina Šunow-Konjecy předstaji sobotu, 4. nowembra, swoju nowu inscenaciju „Kurowa klinika ‚Wjesoła mysl‘“. Minjenej dnjej su čłonojo kónčne proby přewjedli. Režiserka Petra-Maria Bulankec-Wencelowa dawa tule Rajmundej Čór lichej, Reginje Kurjatowej a Alojsej Šenkej (wotl.) poslednje pokiwy.  Foto: Feliks Haza Lajska dźiwadłowa skupina Šunow-Konjecy předstaji sobotu, 4. nowembra, swoju nowu inscenaciju „Kurowa klinika ‚Wjesoła mysl‘“. Minjenej dnjej su čłonojo kónčne proby přewjedli. Režiserka Petra-Maria Bulankec-Wencelowa dawa tule Rajmundej Čór lichej, Reginje Kurjatowej a Alojsej Šenkej (wotl.) poslednje pokiwy. Foto: Feliks Haza

Šunow/Konjecy (SN/JaW). Proby lajskeje dźiwadłoweje skupiny Šunow-Konjecy su w swojej horcej fazy. Kaž předsydka Regina Šołćina na naprašowanje zdźěli, su „tón tydźeń hižo napinacej dospołnej probje w Šunowskej Fabrikskej hospodźe wotměli. „Dźensa je generalka, to njesmě nichtó wjac mylić.“

Sobotu wječor chcedźa nowonazwučowany kruch „Kurowa klinika ‚Wjesoła mysl‘“ w Šunowje premjernje předstajić. Režiju komedije w třoch jednanjach ma znowa serbska dźiwadźelnica Petra-Maria Bulankec-Wencelowa. W mjeztym 15. wjetšej inscenaciji, kotruž 25 čłonow wopřijace towarstwo nětko pokaza, dźe wo to, što wšo móže so ći na kurje stać. „We hłownych rólach dožiwi publikum Angeliku Šěnowu, Michała Sucheho a Daniela Wjenka“, Regina Šołćina přeradźi. Loni zhladowachu delanscy dźiwadźelnicy na 25lětne wobstaće skupiny. „Lětsa je pak to zdobom prěnja inscenacija bjez Pawoła Jancy, kotrehož awra tola tróšku pobrachuje“, Šołćina wobžaruje.

wozjewjene w: Towarstwa
Prošu přizjewće so, chceće-li komentar podać

Serbska debata

nowostki LND