Chór Lipa koncert ekstraklasy poskićił
Haslow (SN/JaW). Krótkochwilny a wulce poradźeny serbski koncertny wječor z rejemi k hudźbje kapały Con-tact. Takle hodźi so sobotny koncert składnostnje 110lětneho wobstaća chóra Lipa na žurli Haslowskeho Bizoldec hosćenca zjeć. Mnozy wopytowarjo dožiwichu chórowy koncert ekstraklasy a hódnoćachu prócu a wukon spěwarkow a spěwarjow kaž tež hudźbnicow a hudźbnikow z hrimotacym aplawsom.