Prěni wjeršk na Njepilic statoku

pjatk, 12. januara 2018
artikl hódnoćić
(0 )
Ronny Zehring přihotuje pjelnjenje za całtowe kołbasy, kotrež jutře na Rownjanskim Njepilic statoku předawaja.  Foto: Jost Schmidtchen Ronny Zehring přihotuje pjelnjenje za całtowe kołbasy, kotrež jutře na Rownjanskim Njepilic statoku předawaja. Foto: Jost Schmidtchen

Rowno (JoS/SN). Wot spočatka tohole tydźenja knježitej na Rownjanskim Njepilic statoku hołk a tołk. Tam přihotuja jutřiše swinjorězanje. Mjeztym 17. tajke zarjadowanje lubi zaso wulki wuspěch. Wutoru započachu kołbasu měšeć a do črjewow a škleńcow pjelnić. „Dźěła je dosć“, praji předsyda spěchowanskeho towarstwa Njepilic dwór Manfred Nikel. „Prócujemy so telko kołbasy dźěłać, zo nichtó z prózdnymaj rukomaj domoj hić nje­trjeba.“ Nimale wšitkich 40 čłonow towarstwa je zapřijatych, wšako trjebaja rěznicy tójšto pomocnikow, šoferow, tepjerjow a žony, kotrež wulku ličbu na­pjelnjenych škleńcow sortěruja. Dalši wjesnjenjo tohorunja pomhaja. Za zhotowjenje kołbasy maja mjeztym nowe mašiny a připrawy, kotrež nětko hišće lěpje hygieniskim žadanjam nastupajo žiwidła wotpowěduja.

wozjewjene w: Towarstwa
Prošu přizjewće so, chceće-li komentar podać

Serbska debata

nowostki LND