Pětr Brězan předsydstwo towarstwa SKT přewzał

wutora, 06. měrca 2018
artikl hódnoćić
(0 )
Pětr Brězan, referent w Domowinskim zarjedźe, je nowy předsyda towarstwa SKT, kotrehož projektowa managerka je Ines Kunzendorf.  Foto: Martina Arlt Pětr Brězan, referent w Domowinskim zarjedźe, je nowy předsyda towarstwa SKT, kotrehož projektowa managerka je Ines Kunzendorf. Foto: Martina Arlt

Slepo (SN/mwe). Po tym zo staj dotalny předsyda towarstwa Serbski kulturny turizm (SKT) Manfred Hermaš a jeho naměstnik Stefan Malink zastojnstwo złožiłoj, wotměchu so minjeny pjatk na hłownej zhromadźiznje cyłka w Slepjanskim Serbskim kulturnym centrumje nowowólby. Jednohłósnje su tam přitomni čłonojo SKT Pětra Brězana, Do­mowinskeho referenta za hospodarstwo a infrastrukturu, za noweho předsydu wuzwolili. 34lětneho Smječkečana zastupuje Stephanie Bierholdtec, w Slepjanskej gmejnje za turizm zamołwita. Mathias Reiche, sobudźěłaćer Budyskeho ­hotela „Best Western“, wostanje dale pokładnik. Předsydstwu přisłušeja Hanka Budarjowa, Manfred Hermaš, Cornelia Schnippa, Claudia-Maria Steglich a Milena Stokowa.

wozjewjene w: Towarstwa
Prošu přizjewće so, chceće-li komentar podać

nawěšk

nowostki LND