W testowej partiji podleželi

srjeda, 25. julija 2018
artikl hódnoćić
(0 )
Tež hdyž bě to jenož přihotowanska koparska partija, je Gabriel Čornak (naprawo, Njebjelčicy) wšo dał. Krótko do kónca so jeho próca mytowaše, Njebjelčan postara so wo kosmetisku korekturu wuslědka.  Foto: Jörg Stephan Tež hdyž bě to jenož přihotowanska koparska partija, je Gabriel Čornak (naprawo, Njebjelčicy) wšo dał. Krótko do kónca so jeho próca mytowaše, Njebjelčan postara so wo kosmetisku korekturu wuslědka. Foto: Jörg Stephan

SJ Njebjelčicy – Lok Slepo 2:4 (0:1)

Zestawa domjacych: Matješk – Ričel, Kral, Gödig, Hanuza, Plaettner, Haška, Šołta, Čornak (46. Lejnart), Domš, Korjeńk

Po dwójnym treningu měrjachu zašłu sobotu Njebjelčenjo w prěnjej přihotowanskej hrě swoje mocy ze Slepjanskim koparskim mustwom. Mnohe lěta stej so cyłkaj prawidłownje w dypkowych partijach wubědźowałoj. Njebjelčanski trenar Handrij Krawčik nastaji poměrnje młode mustwo, a to hnydom ze štyrjomi nowačkami. To běchu Józef Matješk, kotryž je so zaso wot SJ Chrósćicy nawróćił, ­a Oliver Domš, kiž je w Njebjelčanskim dorosće hrał a so w Kamjencu pola Jednoty dale wukmanił. Nimo toho hrajetaj za mustwo SJN nětko Wiliam Plaettner z Kamjenca a Franc Gödig z Njeswačidła.

Partija běše ze wšeho spočatka poměrnje spěšna a bojowniska. Handrij Korjeńk zjewi so w spočatnej štwórć ho­dźinje dwójce před wrotami hosći, ale njezamó do wrotow trjechić. W 25. min. zadyri bul po wótrje třělenym róžku w krótkim kuće do Matješkowych wrotow k 0:1. Dalšu šansu přez Plaettnera wrotar wotpopadny.

wozjewjene w: Sport
Prošu přizjewće so, chceće-li komentar podać

Serbska debata

nowostki LND