Hra dočasnje zakónčena

póndźela, 03. junija 2019
artikl hódnoćić
(0 )
Duel mjez Pančičanami a Łutowčanami bě chětro bojowniski.  Foto: Jörg Stephan Duel mjez Pančičanami a Łutowčanami bě chětro bojowniski. Foto: Jörg Stephan

ST Marijina hwězda

– ST Łuty 3:0 (3:0)

Zestawa domjacych: Matik – Wróbl (30. R. Cyž), Škoda, Rab, R. Hawš, Peschmann, Šołta, O. Hawš, Pjetaš, Eldor (46. Winkler), Pakoßnick

Chětro njesławny kónc měješe dypkowa hra mjez koparjemi ST Marijineje hwězdy a ST Łutow. Sudnik André Wende dyrbješe duel hižo po 50 mjeńšinach zakónčić, dokelž stejachu hosćo jenož hišće ze šesćomi na hrajnišću. Po prawidłach koparskeho zwjazka pak dyrbi w jednym mustwje znajmjeńša sydom hrajerjow być. Za rozsud sudnika rozsudna scena pak bě hižo w 24. min., jako dóstaštaj hnydom dwaj Łutowskaj hrajerjej čerwjeny kartonk. Dóšło bě k tomu po hrubym foulu Alija Eldora, kiž dósta za njón žołtu kartu. Na to pak bu wón wot přećiwnika skřiwdźeny a atakowany, tak zo sudnik hnydom dweju Łutowčanow k dušowanju pósła.

wozjewjene w: Sport
Prošu přizjewće so, chceće-li komentar podać

Serbska debata

nowostki LND