Z wólbneho foruma Domowiny a redakcije SN wčera w Serbskim domje
Budyšin (SN/at). Kak chcyli direktni kandidaća za wólby Sakskeho krajneho sejma 1. septembra naležnosće Serbow w padźe wuzwolenja podpěrać a kak na nje hladuja? Tejle prašeni stej Domowina a redakcija Serbskich Nowin do srjedźišća wólbneho foruma wčera w Budyskim Serbskim domje stajiłoj. Něhdźe 30 zajimcow bě přišło. A z chětro měšanymi začućemi su woni zarjadowanje po dobrymaj hodźinomaj wopušćili.