Lětsa bjez serbskeho wobdźělenja

štwórtk, 05. septembera 2019
artikl hódnoćić
(0 )

Tónle kónc tydźenja wotměje so w Riesy lětuši Dźeń Saksow. Serbske kulturne a dalše ćělesa pak tež tónraz pódla njebudu.

Riesa (SN/JaW). Lětuši 27. dźeń Saksow wotměje so po wšěm zdaću cyle bjez wobdźělenja někajkeho serbskeho kulturneho abo dalšeho ćělesa. To wunjesechu rešerše a naprašowanja Serbskich Nowin. Muski chór Delany, kotryž je Serbow 25 króć na cyłosakskim swjedźenju zastupował a serbske kaž tež słowjanske štučki na najwšelakorišich jewišćach zanošował, mjeztym druhi raz pódla njeje. Tež Budyska Serbska kulturna informacija, kotraž wšak bě po dlěšej přestawce minjene lěta zaso na wjacorych Dnjach Saksow zastupjena była, njebudźe lětsa w Riesy za Serbow wabić, wobkrući na naprašowanje sobudźěłaćerka Jaqueline Bjeńšec.

wozjewjene w: Towarstwa
Prošu přizjewće so, chceće-li komentar podać

nawěšk

nowostki LND