Čłonojo zwjazkoweho předsydstwa wotbagrowane wsy wopominali
Slepo (SN/JaW). Z nowosću wotmě Zwjazkowe předsydstwo Domowiny minjeny pjatk w Slepom swoje prěnje wuradźowanje po wobmjezowanju korony dla. Prěni raz zasadźichu tam přełožowansku techniku. Nimo wjacorych žurnalistow bě prěni raz zapósłanča Lěwicy w Sakskim krajnym sejmje Antonia Mertsching na posedźenju gremija přitomna a je nowy poskitk tež rady wužiwała. Kaž bě na kromje wuradźowanja zhonić, pak su słuchatka jeno za hosći. Simultanje přełožowała je nawodnica Rěčneho centruma WITAJ dr. Beata Brězanowa.
