Towarstwo Njepilic dwór z drěmanja wotućiło

wutora, 29. junija 2021
artikl hódnoćić
(0 )
Posledni dźeń julija wotměja na Njepilic statoku w Rownom lětni swjedźeń. To su čłonojo tamnišeho spěchowanskeho towarstwa minjenu sobotu na swojej hoklapnicy – hłownej zhromadźiznje – planowali. Foto:  Jost Schmidtchen Posledni dźeń julija wotměja na Njepilic statoku w Rownom lětni swjedźeń. To su čłonojo tamnišeho spěchowanskeho towarstwa minjenu sobotu na swojej hoklapnicy – hłownej zhromadźiznje – planowali. Foto: Jost Schmidtchen

Spěchowanske towarstwo Njepilic dwór Rowno z.t. chce zaso dźěłać. Na prěnje zetkanje, sobotu, na hoklapnicy, bě 39 čłonow na statok přichwatało, kotryž čaka na wožiwjenje.

Rowno (JoS/SN). Na hłownej zhromadźiznje zhladowachu woni nětko z mnohimi předewzaćemi do přichoda. Předsyda Manfred Nikel rysowaše w dźěłowej rozprawje towarstwa: „Wjacore zarjadowanja kotrež dyrbjachmy koronapandemije wotprajić, wobradźichu nam stratu wjace hač 8 000 eurow dochodow. Bjez podpěry budźe našemu towarstwu ćežko dale skutkować. Přichod statoka je akutnje wohroženy. Trajny nadawk wostanje dorost zdobywać.“

wozjewjene w: Towarstwa
Prošu přizjewće so, chceće-li komentar podać

nawěšk