Łužica bjez Serbow móžna njeje poručenje

póndźela, 11. oktobera 2021
artikl hódnoćić
(0 )
Lětuše Myto Domowiny je předsyda třěšneho zwjazka Dawid Statnik (nalěwo) pjatk wječor na žurli Budyskeho Serbskeho domu mjez druhim Brigiće Räßlerowej z Narća (naprawo) a Mari Elikowskej-Winklerowej z Choćebuza (srjedźa) spožčił. Zdobom dźakowaše so Statnik wšitkim počesćenym za jich zasłužbne skutkowanje za serbski lud.  Foto: SN/Hanka Šěnec Lětuše Myto Domowiny je předsyda třěšneho zwjazka Dawid Statnik (nalěwo) pjatk wječor na žurli Budyskeho Serbskeho domu mjez druhim Brigiće Räßlerowej z Narća (naprawo) a Mari Elikowskej-Winklerowej z Choćebuza (srjedźa) spožčił. Zdobom dźakowaše so Statnik wšitkim počesćenym za jich zasłužbne skutkowanje za serbski lud. Foto: SN/Hanka Šěnec

Předsyda Domowiny zasłužbne wosobiny w Budyšinje počesćił

Budyšin (SN/JaW). Z rukow předsydy Domowiny Dawida Statnika je minjeny pjatk w Budyšinje jědnaće Serbow Myto Domo­winy, Myto Domowiny za dorost a Čestne znamješko Domowiny 2021 přijimało.

Lawreataj myta třěšneho zwjazka Beno Budar z Hornjeho Hajnka a znamješka Domowiny Günter Zeleńk z Janšojc (Jänschwalde) njemóžeštaj počesćenje chorosće dla přijimać. Spisowaćel a publicist Budar dósta Myto Domowiny za swój­ žiwjenski skutk. Wón je „sam čas žiwjenja pisał – za wšitke generacije“, rě­ka­ we wobkrućenju počesćenja. „Maćeršćina našich dźěći, přichod našeje rěče­ jemu na wutrobje ležeše a leži“, wu­zběhny lawdatorka Zala Cyžowa. Günterej Zeleńkej spožčichu Čestne znamješko Domowiny za zasłužby jako čłon Janšojskeje Domowinskeje skupiny. „Wot 1969 bě wón 44 lět jeje předsyda. W swojim najlěpšim času rozrosće ličba čłonow sku­piny na 297“, wuzběhny Heike Apeltowa. Woběmaj zastupnik třěšneho zwjazka myto domoj dowjeze a přepoda.

wozjewjene w: Towarstwa
Prošu přizjewće so, chceće-li komentar podać

Serbska debata

nowostki LND